2015 جىلىڭ 7 تامىزىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى مەن ءال-فارابي اتىنداعى قازاق ۇلتتىق ۋنيۆەرسيتەتى ستۋدەنتتەرى، جاستار ساياساتى باسقارماسى مەن   «جاسىل ەل» ۇيىمىنىڭ ۇيىمداستىرۋىمەن «ەلباسى نۇرسۇلتان نازارباەۆتىڭ بەس ينستيتۋتتسيونالدى رەفورماسىن جۇزەگە اسىرۋ ماقساتىندا «100 ناقتى قادام» ۇلتتىق جوسپارىن قولدايمىز» اتتى فلەشموب وتكىزدى. 

100 ستۋدەنت ەلباسى نۇرسۇلتان نازارباەۆتىڭ بەس ينستيتۋتتسيونالدى رەفورماسىن جۇزەگە اسىرۋ ماقساتىندا «100 ناقتى قادام ۇلتتىق جوسپارىنا توقتالىپ،  تاماشا بي تۇرلەرىن كورسەتە وتىرىپ،  «جەمقورلىقسىز – بولاشاق قازاقستان»  ۇرانىمەن  100 ءتۇرلى-ءتۇستى شاردى اۋەگە ۇشىردى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ  ءبولىم  باسشىسى ماقساتحان اناپين ستۋدەنتتەردىڭ شارادا بەلسەندىلىك تانىتقانىنا العىسىن بىلدىرە وتىرىپ،   100 ناقتى  قادامنىڭ 15 قادامىنا توقتالىپ، ءبىرىنشى رەفورمانى جۇزەگە اسىرۋ ماقساتىنداعى  كاسىبي مەملەكەتتىك اپپارات قۇرۋ ماسەلەلەرىنە توقتالدى. سونىمەن قاتار بولاشاقتا جوعارى وقۋ ورنىن بىتىرۋشىلەر - جاس مەملەكەتىمىزدىڭ ەكونوميكاسىنىڭ نەگىزى   ەكەنىن اتاپ ءوتتى.

ستۋدەنتتەردىڭ قۇرىلىس وتريادىنىڭ  باسشىسى جۇماعالي ەسەنبەك ءال-فارابي اتىنداعى قازمۇۋ ستۋدەنتتەرى اتىنان «ەلباسى نۇرسۇلتان نازارباەۆتىڭ بەس ينستيتۋتتسيونالدى رەفورماسى اياسىندا  «100 ناقتى قادام» ۇلت جوسپارىنىڭ ماڭىزدىلىعىنا توقتاي كەلە، ونى  قولدايتىندارىن  ءبىلدىردى.

 اباي-اقپارات