قوستاناي اكىمى قاماۋعا الىندى
قوستاناي قالاسىنىڭ بۇرىنعى اكىمى احمەتبەك احمەتجانوۆ ەكى ايعا ءۇي قاماۋىنا الىندى. قاماۋعا الۋ تۋرالى سانكتسيانى قوستانايدىڭ №2 سوتىنىڭ سۋدياسى ءلاززات مۇحامەدجانوۆا شىعاردى، - دەپ حابارلايدى Tengrinews.kzء تىلشىسى.
احمەتجانوۆ قر قىلمىستىق كودەكسىنىڭ 307-بابىنىڭ 3-بولىگى جانە 4-بولىگى بويىنشا ("قىزمەتتىك وكىلىن تەرىس پايدالانۋ") جانە 365-باپتىڭ 3-بولىگىنىڭ 1-تاراۋى بويىنشا ("زاڭدى كاسىپكەرلىك ارەكەتكە كەدەرگى كەلتىرۋ") ايىپ تاعىلىپ وتىر.
تەرگەۋ ماتەريالدارىنا سايكەس، احمەتجانوۆ اۆتوموبيلدەرگە ارنالعان حالىققا قىزمەت كورسەتۋ ورتالىعىنىڭ قۇرىلىسىنا جاردەمدەسكەن جانە بالاباقشا قۇرىلىسىندا "سترويمەتسەرۆيس" جشس-نىڭ مۇددەسىن زاڭسىز قورعاعان.
وسىعان دەيىن ونىڭ تاعىلعان ايىپتارمەن كەلىسىپ، ءوز كىناسىن مويىنداعانى جانە تەرگەۋگە قاتىساتىنى جايلى حابارلانعان بولاتىن. وسىنى ەسەپكە العان پروكۋرور احمەتجانوۆتى ءۇي قاماۋىنا الۋ تۋرالى بۇلتارتپاۋ شاراسىن تاڭداۋدى سۇرادى.
ەكس-اكىمنىڭ ادۆوكاتتارى احمەتجانوۆتىڭ اسىراۋىندا كامەلەتكە تولماعان ەكى بالاسىنىڭ بارىن، ولاردىڭ ءبىرىنىڭ 2 جاسقا تولعانىن ەسەپكە الۋدى سۇرادى. ەسكە سالايىق، قوستانايدىڭ بۇرىنعى اكىمى احمەدبەك احمەتجانوۆ 8 قىركۇيەكتە ۇستالعان بولاتىن. سول ۋاقىتتا وعان قىزمەتتىك وكىلىن تەرىس پايدالاندى دەگەن كۇدىك كەلدى.
ال ۇستالۋىنىڭ الدىندا احمەتجانوۆ قوستاناي اكىمى قىزمەتىنەن بوساتىلعان ەدى. سول ۋاقىتتا قوستاناي وبلىسى اكىمدىگىنىڭ ءباسپاسوز قىزمەتى ونىڭ قىزمەتتەن ءوز ەركىمەن كەتكەنىن حابارلاپ ەدى. قالا اكىمىنىڭ مىندەتىن اتقارۋشى بولىپ، ونىڭ بۇرىنعى ورىنباسارى قايرات ساندىبەكوۆ تاعايىندالدى.
ال مۇنىڭ الدىندا احمەدبەك احمەتجانوۆتىڭ ەكى ورىنباسارى - ماقسۇت قاليەۆ پەنفرۋنزيك اراكەليان ۇستالعان بولاتىن. قاليەۆ 2015 جىلدىڭ 1 تامىزىندا "پرەميۋم پالاس" مەيرامحاناسىنىڭ ماڭىندا ۇستالدى. ال اراكەليان 3 تامىزدا جۇمىس بولمەسىندە ۇستالدى. سونىمەن قاتار، كاسىپكەر گاگيك وۆنانيان دا ۇستالىپ وتىر. ول اكىم ورىنباسارىنا پارا بەردى دەلىنەدى. ۇشەۋى دە قاماۋعا الىنعان.
