الماتى وبلىسىنىڭ كەربۇلاق اۋدانىنىڭ باسشي اۋىلىندا قازاقتىڭ باس اقىنى اباي قۇنانبايۇلىنا  ارنالعان ەلىمىزدەگى العاشقى تاقىرىپتىق  باق اشىلادى.

«اباي باعى»  – بۇل كۇندە  تەك قازاقتىڭ عانا ەمەس، بۇكىل ادامزاتتىڭ ايگىلى تۇلعاسىنا اينالىپ كەتكەن ۇلى ابايدىڭ 170 جىلدىعىنا «گۇلستان»  جۋرنالى مەن «گۇلزار» قوعامدىق بىرلەستىگىنىڭ تارتۋى بولىپ وتىر. مەرەيتوي كەزىندە «گۇلستان» جۋرنالى مەن «گۇلزار» قوعامدىق بىرلەستىگى قازاقستان جازۋشىلار وداعى باسقارماسىمەن بىرلەسىپ ۇلى ابايدىڭ 170 جىلدىعىنا 170 ەمەن اعاشىن وتىرعىزۋ يدەياسىن كوتەرگەن بولاتىن. 

«اباي باعى» – كەربۇلاق اۋدانىنداعى نۇرىم اۋىلىنداعى ورتا مەكتەپتىڭ جانىندا ورنالاسادى. وندا ۇلى اباي ءجۇرىپ وتكەن جول – سەمەي قالاسىنان باستاپ، كۇشىكباي اسۋى، م.اۋەزوۆ تۋعان ءبورلى اۋىلى، قۇنانباي قاجى اۋلەتىنىڭ قىستاۋى، ءارى قورىمى اقشوقى، ەڭلىك-كەبەك مازارى، ەڭلىك-كەبەك ءۇيتاسى، ايگەرىم بۇلاعى، جيدەبايعا دەيىنگى ارالىقتىڭ شاعىن كوشىرمەسى كورىنىس تاپپاقشى. بۇل ءبىر عانا نۇرىم ورتا مەكتەبىنىڭ وقۋشىلارىنا عانا ەمەس، رەسپۋبليكانىڭ بارلىق مەكتەپتەرىنە ۇلگى بولارلىق باستاما. بىرىنشىدەن, جاس ۇرپاقتىڭ بويىنا ۇلى بابامىزعا  دەگەن ەرەكشە قۇرمەت ۇلگىسىن كورسەتسە، ەكىنشىدەن 5 پايىزعا عانا جۋىق ورمان-توعايى بار  قازاق دالاسىن كوگالداندىرۋعا شاقىرۋدىڭ جارقىن كورىنىسى بولا الادى.

اباي-اقپارات