ءوز ەلىن جاقسى كورەتىن ازامات رەتىندە اركىمنىڭ ۇيىندە، كولىگىندە نەمەسە وفيسىندە مەملەكەتتىك تۋ تۇرۋى كەرەك دەگەن وي كەلىپ تۇر.

ءتىپتى ءاربىر مەيرامxانا، اۋديتوريا، ءتۇرلى زالدار، بانكتەر، ويىن-ساۋىق ورتالىقتارى، ءىرىلى-ۇساقتى دۇكەندەر، ۆاليۋتا ايىرباستاۋ نۇكتەلەرى، بايلانىس وشاقتارى، سپورت زالدار... بىراق كورنەكى ورىندا. تەك مەملەكەتتىك قىزمەتكەرلەردە عانا ەمەس، قوعامداعى بارلىق سالا وكىلدەرىندە سولاي بولۋى ءتيىس. مەيلى ءسىز جەكە كاسىپكەرسىز، جەكەمەنشىك مەكەمە قىزمەتكەرىسىز... سەبەبى، مەنىڭشە، تۋ ادامعا ەلىنىڭ ءبىر تابان بولسا دا العا باسۋىنا ارەكەت ەتۋگە اسەر بەرەتىندەي. ءتىپتى بولماسا، زيانىن تيگىزبەۋگە، ءاربىر نارسەنىڭ بەكەرگە قادىرىن كەتىرمەۋگە يتەرمەلەيتىندەي كورىنەدى. 
ءبىزدىڭ ەلدە ءتۇرلى اتاۋلى كۇندەر بار. (بولماشى ءبىر داتالار دا جەتەرلىك). ەندى مەملەكەتتىك تۋ كۇنىن رەسمي بەلگىلەپ الساق. تۇركيا، تۇركىمەنستان، رەسەي، ۋكراينا، ءتىپتى افريكانىڭ سۋازيلەند كورولدىگى، مىنا مونعوليا ەلىندە ۇلتتىق تۋ، مەملەكەتتىك تۋ كۇنى دەگەن اتاپ وتىلەدى ەكەن. 
رامىزدەرىمىزدىڭ ءاربىرىن قۇرمەتتەيمىن، ارينە. ءاربىرى قاستەرلى. بىراق تۋدىڭ قاسيەتى ەرەكشە دەپ بىلەمىن.

نۇرجان تۋعانباي، facebook-تەگى پاراقشاسىنان