قازاقستاندا اي 92/93 ءبينزينىنىڭ ءليترى 140-150 تەڭگەگە دەيىن جەتۋى مۇمكىن. بۇل تۋرالى بريفينگ بارىسىندا قازاقستان ەنەرگەتيكا ءمينيسترى ۆلاديمير شكولنيك مالىمدەدى، - دەپ حابارلايدى Tengrinews.kzء تىلشىسى.

ايتا كەتەيىك، وكق-دا وتكەن بريفينگ بارىسىندا پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ قازاقستاننىڭ ەركىن اۋىتقۋ باعامىنا وتۋىنە بايلانىستى ۇكىمەتتىڭ اي 92/93 ماركالى بەنزينىنىڭ باعاسىن رەتتەۋدەن باس تارتۋ تۋرالى شەشىم قابىلداعانىن ايتتى.

1 قىركۇيەكتە استانا اكىمىنىڭ ءبىرىنشى ورىنباسارى اندرەي لۋكين تەڭگەنىڭ قۇنسىزدانۋى استاناداعى جانارماي باعاسىنا اسەر ەتپەيتىنىن ايتقان بولاتىن.

"جانار-جاعارماي ماتەريالدارى بارلىق اۆتوكولىكتەرگە جانارماي قۇيۋ ستانتسياسىندا بەكىتىلگەن ماننەن اسقان جوق. جانارمايدىڭ قىمباتتاۋى تۋرالى دەرەك تىركەلگەن جوق. قازاقستان ەنەرگەتيكا ءمينيسترىنىڭ "باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى" بۇيرىعىنا سايكەس، بيىل 19 مامىردا جانارمايدىڭ شەكتى باعالارى بەلگىلەندى: اي-80 - 89 تەڭگە، اي-92, 93 - 108 تەڭگە جانە ديزەل وتىنى - 99 تەڭگە. وسىعان بايلانىستى جانار-جاعارماي ماتەريالدارى تەڭگە باعامىنىڭ اۋىتقۋىنا تاۋەلسىز، تۇراقتى بولىپ قالادى", - دەدى اندرەي لۋكين وكق بريفينگى كەزىندە.

ەسكە سالا كەتەيىك، 2015 جىلدىڭ 20 تامىزىندا قر ۇكىمەتى ۇلتتىق بانكپەن بىرىگىپ، تەڭگەنىڭ ەركىن اۋىتقۋ باعامىنا ءوتۋ تۋرالى شەشىم شىعاردى. مۇندا ينفلياتسيالىق تارگەتتەۋ رەجيمىنىڭ نەگىزىندەگى جاڭا اقشا-كرەديت ساياساتىن جۇزەگە اسىرۋعا ءوتۋ، ۆاليۋتا ءدالىزىن الىپ تاستاپ، ەركىن اۋىتقۋ دالىزىنە ءوتۋ تۋرالى ءسوز بولىپ وتىر. مۇنداي شەشىم الەمدىك ەكونوميكاداعى جاعىمسىز فاكتورلاردىڭ كۇشەيۋىنىڭ نەگىزىندە قابىلدانعان.

اباي-اقپارات