وڭتۇستiك قازاقستان وبلىسى پولشا بيزنەسi ءۇشiن ورتالىق ازيا وڭiرiندەگi بازالىق الاڭعا اينالۋى مۇمكiن، - دەپ حابارلايدى وقو-نىڭ ءباسپاسوز قىزمەتى.

بۇل تۋرالى قازاقستان رەسپۋبليكاسىنىڭ پولشاداعى توتەنشە جانە وكiلەتتi ەلشiسi ەرiك ۇتەمباەۆپەن جانە قۇرامىندا پولشا بيزنەسiنiڭ iرi وكiلدەرi, عالىمدار بار دەلەگاتسيا مۇشەلەرiمەن كەزدەسۋ بارىسىندا وقو اكiمi بەيبiت اتامقۇلوۆ مالiمدەدi.

«پولشا بيزنەسiنiڭ ورتالىق ازيا وڭiرiندەگi بازالىق الاڭىنا اينالۋ ءۇشiن وڭتۇستiك قازاقستان وبلىسىنىڭ بارلىق مۇمكiندiكتەرi بار. بiزدiڭ وڭiردە اگروورتالىق قۇرۋ جونiندەگi يدەيا وبلىستى iرi كوتەرمە ساۋدا ورتالىعىنا اينالدىرىپ، دەلدالسىز قىزمەت ۇسىنۋعا مۇمكiندiك بەرەدi. دەمەك، باعا جەرگiلiكتi تۇرعىندار ءۇشiن قولجەتiمدi بولماق» دەپ اتاپ ءوتتi ءوڭiر باسشىسى.

ەكiجاقتى كەزدەسۋ بارىسىندا وبلىس اكiمi پولشالىق مەيماندارعا ءوڭiردiڭ ينۆەستيتسيالىق مۇمكiندiكتەرiن تانىستىردى. سونداي-اق، تاراپتار وقو اۋماعىندا بiرلەسە جۇزەگە اسىرىلاتىن ينۆەستيتسيالىق جوبالاردى تالقىلادى. اتاپ ايتقاندا، پولشالىق دەلەگاتتار كارگو-تەرمينالى بار حالىقارالىق اۋەجاي قۇرىلىسىن جۇرگiزۋگە، زاماناۋي كولiك-لوگيستيكالىق ورتالىعىن ۇيىمداستىرۋعا، جىلىجاي شارۋاشىلىعى مەن ەتتi باعىتتاعى قۇس شارۋاشىلىعىن سالۋعا جانە جاساندى قار شىعاراتىن ءوندiرiس ورنىن قۇرۋعا قىزىعۋشىلىق تانىتىپ وتىر. بۇل جوبالار مەملەكەتتiك جانە سالالىق باعدارلامالاردى ءوز دەڭگەيiندە اتقارۋعا ەلەۋلi ۇلەس قوسپاق.

«كليماتى بارىنشا جۇمساق وڭتۇستiك قازاقستان وبلىسى –جىلىنا 300 شۋاقتى، جىلى كۇن بولاتىن وڭiرلەردiڭ بiرi. سوندىقتان ەكولوگيالىق تازا كۇن ەنەرگياسىن جىلىجاي كەشەندەرiندە قولدانۋ نەگiزگi مiندەت. ەلiمiزدەگi بارلىق جىلىجاي شارۋاشىلىقتارىنىڭ 80 پايىزى وقو-دا شوعىرلانعان. تابيعي رەسۋرستاردى تيiمدi پايدالانۋ ءوڭiردiڭ دامۋىن تاعى بiر بەلەسكە كوتەرەتiنi انىق» دەپ اتاپ ءوتتi وقو اكiمi ب.اتامقۇلوۆ.

كەزدەسۋ قورىتىندىسىندا تاراپتار ءوزارا ىنتىماقتاستىق جونiندەگi مەموراندۋمعا قول قويدى.

جالپى العاندا وقو اۋماعىندا يندۋستريالاندىرۋ كارتاسى اياسىندا قۇنى 868 ميلليارد تەڭگەنi قۇرايتىن 115 جوبا iسكە اسىرىلۋدا.

Abai.kz