كەشە ينتەرنەتتە قازاقستاننىڭ مادەنيەت ءمينيسترى ارىستانبەك مۇحامەديۇلىنىڭ «قازاقفيلم» كيونستۋدياسىنىڭ باسشىلىعىمەن جابىق كەڭەسى كەزىندە جازىلعان اۋديوجازباسى جاريا ەتىلدى.

داۋىسى ساياساتكەردەن اۋمايتىن بىرەۋ «كينو قىزمەتكەرلەرىنە» جۇمسالىپ قويعان ميلليوندارعا قالاي سمەتانى شاقتاۋعا بولاتىنىن جانە قالعان قاراجاتقا قالاي فيلم ءتۇسىرۋ كەرەكتىگىن ۇيرەتۋدە.

جازبا مينيسترلىكتىڭ قىزمەتكەرىن قالايشا «قازاقفيلمنىڭ» قاراجاتى ەسەبىنەن ماسكەۋگە ءىس-ساپارعا جىبەرۋ كەرەكتىگىن تالقىلاۋدان باستالادى. اقىرى ول قىزمەتكەردى كەڭەسشى رەتىندە جالداۋ ارقىلى بۇل ماسەلە شەشىلەدى دەگەن توقتامعا كەلەدى. ونىڭ نە سەبەپتى ماسكەۋگە بارىپ، نەندەي ماسەلەگە كەڭەسشى بولارى بەلگىسىز.

كەيىن وتىرىستا ءالى ستسەناريى دايىن بولىپ ۇلگەرمەگەن جاڭا ءفيلمنىڭ قارجىلىق ماسەلەلەرى تالقىلانادى. داۋسى مۇحامەديۇلىنان اۋمايتىن بىرەۋ كەرەمەتتەي دايىن بولماسا دا، ءتۇسىرىلىم جوسپارىن جاساپ، ستسەناريدى بەكىتەتىن رەدكوللەگيانى تەز ارادا جيناپ، جارتى ساعات ىشىندە وتىرىسقا قايتىپ كەلۋلەرىن بۇيىرادى.

شەتەلدىك فيرمالارمەن ۇشجاقتى ىنتىماقتاستىق ماسەلەلەرىن قاراستىرعاندا دا، جوبانى قارجىلاندىرۋ توڭىرەگىندە پىكىرتالاس تۋىندايدى. «كينو قىزمەتكەرلەرى» مادەنيەت مينيسترلىگىمەن كەلىسىمشارت جاساسۋدى دۇرىس سانايتىندارىن جەتكىزگەندە داۋسى مينيسترگە ۇقساس ەر كىسى ولارعا دورەكى جاۋاپ قايتارادى.

«تىڭداڭدار! سىزدەر ەشكىم ەمەسسىزدەر! بىزگە ءوز شارتتارىڭدى نەگە تىقپالاي بەرەسىڭدەر؟ ءبىز بۇل ماسەلەنى قايتا قاراستىرمايمىز»، — دەيدى داۋسى مينيستردەن اۋمايتىن بىرەۋ.

ودان ءارى «قازاق ەلى» جوباسىنىڭ قارجىلىق ماسەلەلەرى قاراستىرىلادى. شامامەن مۇحامەديۇلى بولۋى مۇمكىن ەر كىسى ولارعا قىلمىستىق ءىس قوزعالۋى مۇمكىن ەكەنىن، الايدا ول پروكۋرورلار كەلىپ، كينوستۋديا جۇمىسى توقتاپ قالماس ءۇشىن سانالى تۇردە «قۇرباندىققا بارىپ وتىرعانىن» ايتادى.

اۋديوجازبانى YouTube ۆيدەوحوستينگىسىندە John Smith لاقاپ اتىمەن تىركەلگەن پايدالانۋشى جۇكتەگەن.

جازبانى، سونىمەن قاتار ءوز Facebook پاراقشاسىندا «قازاقستان كينوماتوگرافيستەرىنىڭ تاۋەلسىز قاۋىمداستىعى» جاريا ەتكەن. جەلىدە بۇل جازباعا پىكىر قالدىرۋشىلار لەگى تولاستاماۋدا.

 Nur.kz