بالامدى مەكتەپكە اپارعانمىن. جاڭادان سالىنعان ارالاس مەكتەپتەن بايقاعانىم، ورىس سىنىپتارىندا 3-4 ورىس بالاسىننان باسقاسىنىڭ بارلىعى ءوزىمىزدىڭ قازاقتىڭ بالالارى. 
ەڭ قورقىنىشتىسى ءارى، ەڭ جيىركەنىشتىسى، يا وكىنىشتىسى دەيىن بە، جەتكىنشەكتەرىن جەتەكتەپ اپارىپ ورىس سىنىپتارىنا بەرگەن اتا-انالار بالالارىنىڭ قازاق ءتىلىن بىلمەيتىندىگىن ماقتانىشپەن ايتىپ جاتتى. 
"قازاقشا وقىتۋ قيىن. ءوزىمىز ورىسشا وقىعان سوڭ، قازاقشا وقىتا المايمىز", "بالام ورىسشا ويلاپ، ورىسشانى قازاقشاعا اۋدارىپ جاۋاپ بەرەدى. قيناپ قايتەمىن؟", "بالا باقشادا قازاقشا توپقا ورىن بولماي، ورىسشا توپقا باردى. امالسىز ەندى ورىسشا كلاسقا بەرىپ جاتىرمىن",-ت.ت وسى سىندى سىلتاۋلاردى العا تارتقان اتا-انالارعا قاراپ، نە دەرىمدى بىلمەدىم. بارىنەن بۇرىن، اۋىلدان كوشىپ كەلگەنى كيىم كيىسىنەن، سوزىنەن، ءوزىن ۇستاۋىنان دا كورىنىپ قالعان جاس انانىڭ (ورىسشا اكتسەنتپەن سويلەپ تۇرعانىمەن شارۋاسى جوق ) وزىنشە ء"ۇي ىشىمىزبەن ورىسشا سويلەيمىز، ونى قازاقشا قالاي وقىتامىز، قازاقشا كەرەك ەمەس. قازاق مەكتەپتەرىندە دۇرىس وقىتپايدى. ءبىلىم تومەن. ورىسشا وقىعاندار كۇشتى ءبىلىم الىپ شىعادى "-دەپ سۋماڭداپ تۇرعانى جانىما باتتى.ء وز قازاعىمنىڭ ءوز انا تىلىنە جانى اشىمايتىندىعى اشىندىردى. بۇدان سوڭ كوسەگەمىز قايدان كوگەرەدى؟ قۇداي-اۋ، 4-5 ورىستىڭ بالاسىنا بولا بۇتىندەي ءبىر مەكتەپتى ارالاس قىلدىق. وسى قازاقتار بالالارىن ورىس سىنىپتارىنا بەرمەگەندە، ورىس مەكتەبىنە سۇرانىس تا بولماس ەدى عوي.ورىس مەكتەبى دەگەندەر جابىلار ەدى. ءاي، ءبارىن قۇرتاتىن ءوزىمىز عوي. سانالارى ورىستانىپ كەتكەن باۋىرلارىمىزدىڭ بەتىن قالاي قايتارامىز، قالاي تاۋبەسىنە تۇسىرەمىز، قازاقتار!

باقىت جانشاەۆا،

الەۋمەتتىك جەلىدەن.