ۇلتتىق بانك توراعاسى قايرات كەلىمبەتوۆ تەڭگە باعامىنىڭ ەركىنە جىبەرىلگەنىن ەسكەرىپ، اقشا ايىرباستاۋ پۋنكتتەرىنەن پايدا تابام دەۋشىلەردى ساباسىنا تۇسۋگە شاقىردى. ونىڭ ويىنشا، بۇل اقىلعا سىيىمسىز.

Nur.kz جازۋىنشا، بۇل تۋرالى كەلىمبەتوۆ كتك ارناسىنىڭ «سلۋگي نارودا» باعدارلاماسىندا مالىمدەگەن.

ء«بىز تەڭگەنىڭ قۇبىلۋىن ءالى باقىلايتىن بولامىز. سوندىقتان، اقشا ايىرباستاۋ پۋنكتتەرىنە جۇگىرىپ، پايدا تاۋىپ قالامىن دەۋ ابەستىك. ءبىز شىعىس ەۋروپا ەلدەرىن، سونىڭ ىشىندە، ۆاليۋتا كۇن سايىن ەمەس، ساعات سايىن قۇبىلىپ تۇراتىن رەسەيدەگى جاعدايدى زەرتتەدىك. تۇرعىندار جيناقتارىن ءوز شىعىندارىنا سايكەس جۇمساعان ءجون»، – دەپ كەڭەس بەردى ۇلتتىق بانك توراعاسى.

كەلىمبەتوۆتىڭ ايتۋىنشا، مۇناي باعاسى وسەتىن بولسا، تەڭگە باعامى  نىعايا تۇسەدى. ال مۇناي باعاسى تومەندەيتىن بولسا، تەڭگە دە قۇلدىراماق.

«ازىرگە پايىزدىق مولشەرلەمە بۇرىنعىداي تەڭگە سالىمدارى ءۇشىن - 10%، وزگە ۆاليۋتا ءۇشىن  -  3%. سونىمەن قاتار سالىمدار بويىنشا شەتەل ۆاليۋتاسىندا 5 ميلليونعا دەيىن، ال تەڭگەدە جيناقتاساڭىز، 10 ميلليون سوماعا دەيىن كەپىلدىك بار. ءار تۇتىنۋشى ءوزى شەشىم قابىلدايدى. ورتاشا مەرزىمدى  پەرسپەكتيۆادا دوللارسىزداندىرۋ ۇدەرىسى باستالادى دەپ سانايمىز»، - دەدى ۇلتتىق بانك باسشىسى.

سونىمەن قاتار، ۇلتتىق بانك توراعاسى قازاقستاندا دوللارسىزدانۋ پروتسەسى باستالاتىنىن دا جەتكىزدى.

اباي-اقپارات