قوستانايدا استىق القابىنىڭ 38,5 پايىزى جينالدى

 بيىل وبلىستا 4 ميلليون 18 مىڭ گەكتار جەرگە ەگىن ەگىلگەن بولاتىن. قازىر 1 ميلليون 622 مىڭ گەكتار جەردىڭ ەگىنى ورىلىپ، 1,548 مىڭ گەكتاردىڭ استىعى باستىرىلدى. بۇل بارلىق القاپتىڭ 38,5 پايىزى بولىپ تابىلادى.  بۇل تۋرالى egemen.kz ءتىلشىسى حابارلادى. قوستاناي وبلىسىنىڭ ديقاندارى استىق جيناۋ ناۋقانىنا تامىزدىڭ اياق كەزىنەن كىرىسكەن بولاتىن.  بۇگىندە نەگىزىنەن ايماقتىڭ وڭتۇستىك اۋداندارىندا استىق جينالىپ جاتىر. گەكتار ءتۇسىمى 9 تسەنتنەردەن اينالۋدا. ال توپىراعى قۇنارلى سولتۇستىك اۋدانداردا وراق قارقىن الىپ كەتە الماي وتىر. وبلىستىق اۋىل شارۋاشىلىعى باسقارماسىنىڭ ءبولىم باسشىسى ءسالىمجان ەسەنامانوۆ: «كوكتەمدە تىنباي جاۋعان جاڭبىردان سولتۇستىك اۋدانداردا  ەگىن كەش ەگىلگەن بولاتىن. قازىر ءبىر جاعىنان ەگىننىڭ ءپىسۋى جەتپەي جاتىر، ەكىنشىدەن قىركۇيەكتىڭ كۇنى قاباعىن جازباي تۇر. سولتۇستىك جاعىندا جاڭبىر ءجيى سەبەلەپ قويادى»، دەدى. وبلىستا مايلى داقىلدار دا قاتار جينالىپ جاتىر. بۇگىنگە دەيىن 38 مىڭ گەكتار مايلى داقىلدار جينالدى. 23 مىڭ توننا داقىل باستىرىلدى، بۇل بارلىق كولەمنىڭ 7 پايىزى. گەكتار اينالىمى ازىرگە 6,5 تسەنتنەردەن كەلۋدە. مايلى داقىلداردىڭ اراسىندا كۇنباعىس كەشىرەك جينالادى، ديقاندار نەگىزگى ءتۇسىمدى وسى داقىلدىڭ بەرەرىنە سەنىمدى.