قازاق حاندىعىنىڭ 550 جىلدىعىنا وراي ارنايى ۇيىمداستىرىلعان «شۋ – ۇلىتاۋ» مارافوندىق جۇگiرۋiنە قاتىسقان سپورتشىلار وڭتۇستiك قازاقستان وبلىسىنىڭ تۇلكiباس اۋدانىنا كەلiپ جەتتi. مارافونشىلاردى اۋدان شەكاراسىنان وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ا.بەرداشەۆ باستاعان توپ كۇتiپ الدى دەپ حابارلايدى وقو اكiمi اپپاراتىنىڭ ءباسپاسوز قىزمەتi.

16 تامىزدا جامبىل وبلىسىنىڭ شۋ اۋدانىنان باستاۋ العان شارادا سپورتشىلارعا قازاق حاندىعىنىڭ سيمۆوليكالىق بايراعى تابىستالعان. ەندi مارافونشىلار بايراقتى ەستافەتالىق جۇگiرۋ تاسiلiمەن تاراز، شىمكەنت، تۇركiستان، قىزىلوردا، جەزقازعان قالالارى ارقىلى 22 تامىزدا ۇلىتاۋعا جەتكiزۋدi كوزدەپ وتىر.

مەرەيلi داتا قارساڭىنداعى شارانىڭ باستى ماقساتى – ەل تۇرعىندارى اراسىندا سالاۋاتتى ءومiر سالتىن ناسيحاتتاۋ، دوستىق پەن بiرلiكتi نىعايتۋ جانە بۇقارالىق سپورتتىڭ رۋحاني الەۋەتiن ارتتىرۋ بولىپ تابىلادى.

16 ادامنان قۇرالعان توپ مۇشەلەرi 1500 شاقىرىمدى 7 كۇندە ءجۇرiپ، ۇلىتاۋ جەرiنە اياق باسۋدى كوزدەپ وتىر. بۇگىن، ياعني، 18 تامىزدا مارافونشىلار شىمكەنت قالاسىنا جەتەدi دەپ كۇتiلۋدە.

-- بۇل يگى شارانى قولعا العان سپورتشىلارعا العىس ايتامىز. قازاق حاندىعىنىڭ 550 جىلدىعىن سالاۋاتتى ءومىر سالتىمەن ۇشتاستىرا وتىرىپ ناسيحاتتاعان ازاماتتاردى اۋەلى تۇلكىباستا، ەندى شىرايلى شىمكەنتتە قارسى العانىمىزعا قۋانىشتىمىز. ساپارلارىڭىز ءساتتى بولسىن، - دەگەن وبلىس اكىمىنىڭ ورىنباسارى قايسار جاندارعا ەستەلىك سىيلىق تابىس ەتتى.

وبلىستىق دەنەشىنىقتىرۋ جانە سپورت باسقارماسى باسشىسىنىڭ ورىنباسارى ايتماحامەتالى بەرداشەۆ جەڭىل اتلەتتەردىڭ ءجۇرۋ باعىتىن تانىستىرسا، شىمكەنت قالالىق دەنەشىنىقتىرۋ جانە سپورت ءبولىمى باسشىسىنىڭ ورىنباسارى نامازباي ابدىقۇلوۆ تا سپورتشى قوناقتارعا ەستەلىك رەتىندە سىيلىق تاپسىردى.

جەلاياقتاردى باستاپ كەلگەن ءالىم ءشارىپوۆ بۇل ءىس-شارا قر مادەنيەت جانە سپورت مينيسترلىگىنىڭ قولداۋىمەن ءوتىپ جاتقانىن جەتكىزدى.

اباي-اقپارات