ىلە اۋدانىنداعى «گۇلدەر»، «بالاۋسا»، «بال-بالا» جەكەمەنشىك بالاباقشالارىنىڭ قۇرىلتايشىسى الماگۇل باتىرحانوۆانىڭ ايتۋىنشا، بۇل ۇجىم 2015 جىلى «ۇزدىك بالاباقشا» اتانعان. ولار قازاق تىلىندەگى 42 ارىپكە 42 ءان جانە 42 ەرتەگى قۇراستىرىپ، «ارىپتەر الەمى» اتتى اۆتورلىق جوبانى ەكسپەريمەنت تۇرىندە ەنگىزىپ وتىر. بۇل الداعى ۋاقىتتا بالالاردىڭ سەنسورلىق قابىلەتىن ارتتىرۋعا زور ىقپال ەتەدى دەيدى پەداگوگ. اتا-انالار تاراپىنان وڭ پىكىر مەن زور قولداۋعا يە بولعان بۇل جوبا نەگىزىندە بولاشاقتا انيماتسيالىق مۋلتفيلم ءتۇسىرۋ دە جوسپارلانىپ وتىر.

وبلىس اكىمى ا. باتالوۆ جاڭاشىلدىقپەن جۇمىس ىستەيتىن، ءوز كاسىبىن بيزنەستىڭ كوزى دەپ قانا ەمەس، ەڭ الدىمەن دەن ساۋ، وي-ءورىسى دامىعان ۇرپاق تاربيەلەۋ دەپ قارايتىن كاسىپكەرگە ريزاشىلىعىن ءبىلدىرىپ، يننوۆاتسيانىڭ يگىلىگىن بالالارعا ۇسىنۋ جولىندا ەڭبەكتەرىنە تابىس تىلەدى.