ءبىلىم جانە عىلىم مينيسترلىگىنىڭ جوعارى، جوعارى وقۋ ورنىنان كەيىنگى جانە حالىقارالىق قاتىناستار دەپارتامەنتىنىڭ ديرەكتورىنىڭ مىندەتىن اتقارۋشى سەرىك ومىرباەۆ استاناداعى ءباسپاسوز ءماسليحاتىندا اتا-انالار مەن تۇلەكتەردەن كوپتەگەن ارىز ءتۇسىپ جاتقانىن حابارلادى. Tengrinews.kz-ءتىڭ جازۋىنشا، كەيبىر ناتيجەسى جوعارى تۇلەكتەر ءبىلىم بەرۋ گرانتىنا ىلىگە الماعان.

"بىزدە تەك "التىن بەلگى" يەگەرلەرى عانا نەمەسە وليمپيادا جەڭىمپازدارى عانا كىرگەن بىرقاتار ماماندىق بار. بۇل، ايتالىق، حالىقارالىق قاتىناستار، شىعىستانۋ، شەتەل فيلولوگياسى، قۇقىقتانۋ، كەدەن ءىسى، ەكونوميكالىق بارلىق ماماندىقتار، مەديتسينا. 39 "التىن بەلگى" يەگەرى گرانت الا المادى. سەبەبى، جاستاردىڭ بۇل كاتەگورياسى تەك سۇرانىسقا يە ماماندىقتاردى بەلگىلەيدى. ارينە، ولار ءوز بالدارى بويىنشا تىزىلەدى، ال ەكونوميكالىق جانە قۇقىقتانۋ ماماندىقتارىنا گرانتتار سانى ازايادى", - دەپ ءتۇسىندىردى ومىرباەۆ.

ونىڭ ايتۋىنشا، "التىن بەلگى" يەگەرى بولعان 39 تۇلەك قانا گرانتسىز قالماعان، حالىقارالىق وليمپيادالاردىڭ سەگىز جەڭىمپازى دا، حالىقارالىق عىلىمي جارىستاردىڭ 92 جۇلدەگەرى دە جانە ءتۇرلى شىعارماشىلىق جانە سپورت جارىستارىنىڭ 293 جەڭىمپازى دا گرانتقا ىلىگە المادى.

ء"بىلىم جانە عىلىم ءمينيسترى اسلان ءسارىنجىپوۆ جانە كونكۋرس كوميسسياسىنىڭ وزگە مۇشەلەرى سوڭعى وتىرىستا ءبىرىنشى كەزەكتە ۇلتتىق ۋنيۆەرسيتەتتەردىڭ رەكتورلارىنا جانە وڭىرلەردەگى جوعارى ءبىلىم بەرۋ مەكەمەلەرىنىڭ باسشىلارىنا "التىن بەلگى" يەگەرلەرىن، وليمپيادا جەڭىمپازدارىن مۇمكىندىگىنشە رەكتورلىق گرانتقا قابىلداۋ بويىنشا ءسوز ايتقان.  

ال، باتىس قازاقستاندا ءبىلىم گرانتىنا ىلىگە الماعان قىز سۋيتسيد جاساپتى. قازا بولعان قىزدىڭ شەشەسى باقىتتىڭ ايتۋىنشا، وقيعا الدىندا ونىڭ جالعىز قىزى ايگەرىم گرانتقا تۇسكەندەردىڭ ءتىزىمىن قاراپ، ءوزىنىڭ اتى-ءجونىن تاپپاعان. "ول باستاپقىدا ناتيجەلەردى كومپيۋتەر ارقىلى قارادى، كەيىن ۇيالى تەلەفوننان، سەنبەدى، پوشتاعا بارىپ، "ەگەمەن قازاقستان" گازەتىن ساتىپ الدى", - دەيدى باقىت. - ول ۇيگە تۇسكى ساعات 16.00-دە كەلدى. ۇيدە وتىرىپ، ناتيجەلەردى قارادى. كەيىن ماعان "مەن تىزىمدە جوق ەكەنمىن" دەدى. مەن وعان "جارايدى، ەشتەڭە ەتپەيدى، ءبىز سەنى الماتىداعى قىزپي-گە جىبەرەمىز", - دەدىم. مەن ونى ەشقايدا تاستامايتىنىمدى، سەبەبى جالعىزىم ەكەنىن ايتتىم. ول جۋىنۋعا باراتىنىن ايتتى. ول ءتىپتى جىلاعان دا جوق".

بۇدان كەيىن شەشەسىنىڭ ايتۋىنشا، ايگەرىم جۋىنىپ، ءوز كيىمىن جۋىپ، جايىپ قويادى. ول ءوز قىزىنىڭ اۋلادا جۇرگەنىن كورەدى. بىرنەشە مينۋتتان كەيىن ايگەرىمگە كورشىسى كەلىپ، شەشەسى ونىڭ اۋلادا جۇرگەنىن ايتقان. "قورانىڭ ماڭىنان ءوتىپ بارا جاتىپ، ول ايگەرىمنىڭ تۇرىپ تۇرعان ءساتىن كورگەن. ءبىز قاراساق، ول ءىلىنىپ تۇر ەكەن", - دەدى اناسى. شەشەسى مەن كورشىسى ايگەرىمدى شەشىپ الىپ جاتقان ساتىندە ول ءتىرى بولىپتى. وقيعا ورنىنا كەلگەن دارىگەرلەر شەشەسىنە قىزىنىڭ ءتىپتى ءتىرى ەكەنىن ايتقان. الايدا ايگەرىم اۋرۋحاناعا بارا جاتقان كەزدە قايتىس بولىپتى. باسىلىم مالىمەتىنشە، تۇلەكتىڭ شەشەسى ونى گرانتقا تۇسە الماعاندىقتان وسىنداي ىسكە بارعان دەپ ەسەپتەيدى. ايگەرىم پودستەپنوي قازاق ورتا مەكتەبىن ءبىتىرىپ، ۇبت-دان ءتورت ءپان بويىنشا 93 بالل جيناعان، ال ورىس ءتىلىن ساناماعاندا 73 بالل. 

اباي-اقپارات