اقمولالىق جۇرگىزۋشىلەر جوعارى سۇرانىسقا يە مەملەكەتتىك تىركەۋ نومىرلەرىن ساتىپ الۋ ءۇشىن 15 ملن تەڭگەدەن استام قاراجاتىن جۇمساعان، دەپ حابارلايدى BNews.kz.

«جىل باسىنان بەرى وبلىستىق ءىىد اكىمشىلىك پوليتسيا باسقارماسى تەب 15 ملن تەڭگەدەن استام سومانىڭ جوعارى سۇرانىسقا يە مەملەكەتتىك تىركەۋ ءنومىرىنىڭ 49 جيىنتىعىن بەردى»، - دەپ ءمالىم ەتتى دەپارتامەنت ءباسپاسوز قىزمەتىنىڭ قىزمەتكەرى نۇرجان دۇيسەمبينوۆ. 

ونىڭ ايتۋىنشا، اقمولالىق جۇرگىزۋشىلەر اراسىندا 333 (16 داناسى ساتىلعان) پەن 777 (6 دانا) نومىرلەرى ەرەكشە سۇرانىسقا يە. سونىمەن قاتار 001, 300, 555, 888 سەريالى نومىرلەردەن 4 دانادان ساتىلعان. 

ەستەرىڭىزگە سالىپ وتسەك، قازىرگى تاڭدا قازاقستاندا جوعارى سۇرانىسقا يە مەملەكەتتىك تىركەۋ نومىرلەرىن ساتۋ باعاسى بەلگىلەنگەن. بۇگىندە 001, 002, 003, 004, 005, 006, 007, 008, 009, 777 نومىرلەرىن ساتىپ الۋ ءۇشىن 422 مىڭ 256 تەڭگە تولەۋ قاجەت بولسا، 100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 سەريالى نومىرلەر 253, مىڭ 724 تەڭگە تۇرادى. 

اباي-اقپارات