ەلiمiزدەگi بۇگiنگi دەموگرافيالىق احۋالعا كوز جiبەرسەك، قازاقستاننىڭ كەيبiر وڭiرلەرiندە تۋ كورسەتكiشi ارتىپ، حالىق ءوسiمi كوبەيگەن. ەندi بiر ايماقتاردا كەرiسiنشە، ەلدەن كوشiپ كەتۋ كوبiرەك ورىن الىپ، جەرگiلiكتi حالىقتىڭ ءوسiمi باياۋلاي تۇسكەن. مۇنىڭ وڭiرارالىق ميگراتسياعا تەرiس اسەر ەتiپ وتىرعانى انىق. بۇدان بولەك، iشكi كوشi-قوننىڭ ىرىقسىز جۇزەگە اسۋى، زاڭسىز ميگراتسيانىڭ ەتەك الۋى كەيبiر وڭiرلەردەگi, اسiرەسە، وڭتۇستiكتەگi تىعىز ورنالاسقان حالىقتىڭ ەڭبەك نارىعىندا قيىندىق تۋعىزارى دا حاق. سوندىقتان ەل ۇكiمەتi قازاقستانداعى كوشi-قون ساياساتىنا تۇتاستاي جاڭا جوبالار ەنگiزۋ جۇمىستارىن قولعا الىپ وتىر. مۇنداعى باستى مiندەت – ەل ازاماتتارىن ەرiكتi تۇردە ەڭبەك رەسۋرستارى ارتىق وڭiرلەردەن ەڭبەك تاپشىلىعى سەزiلiپ وتىرعان ايماقتارعا قاراي ەكونوميكالىق تۇرعىدان وڭتايلى ەتiپ ورنالاستىرۋ. بۇل باستاماعا العاشقىلاردىڭ بiرi بولىپ وقو اكiمi اسقار مىرزاحمەتوۆ پەن سولتۇستiك قازاقستان وبلىسىنىڭ اكiمi ەرiك سۇلتانوۆ قولداۋ تانىتىپ، ءوزارا كەلiسiم ناتيجەسiندە ەكiجاقتى بايلانىسقا جول اشىپ وتىر. سونىڭ بiر ايعاعى – وتكەن ماۋسىم ايىندا سولتۇستiك قازاقستان وبلىسى اكiمiنiڭ ورىنباسارى ايداربەك ساپاروۆتىڭ باسشىلىعىمەن وڭiرiمiزگە ارنايى دەلەگاتسيا كەلiپ كەتتi. ولار بiرقاتار اۋدانداردىڭ تىنىس-تiرشiلiگiمەن تانىسىپ قايتقان بولاتىن. ەندi مiنە، جۋىردا وبلىس اكiمiنiڭ ورىنباسارى ەرلان ايتاحانوۆتىڭ جەتەكشiلiگiمەن ارنايى دەلەگاتسيا سولتۇستiك قازاقستان وبلىسىنا بارىپ، ونداعى قونىس اۋدارۋشىلارعا جاسالاتىن جاعدايدى سارالاپ قايتتى. وبلىسقا قاراستى اۋدان-اۋىلداردى ارالاپ، ولاردىڭ كوشiپ كەلۋشiلەردi قابىلداۋ مۇمكiندiگiن زەردەلەدi.

Abai.kz