الماتى قالاسىندا سەل تاسقىنىنان زارداپ شەككەندەرگە كومەك كورسەتەتىن شتاب قۇرىلدى، دەپ حابارلادى قر ءىىم توتەنشە جاعدايلار كوميتەتىنەن.

«الماتى قالاسىنىڭ وڭىرلىك كاسىپكەرلەر پالاتاسى سەل اعىنىنان زارداپ شەككەندەرگە كومەك كورسەتۋ ءۇشىن شتاب قۇردى. ول الماتى قالاسى دوستىق داڭعىلى، 160 مەكەنجايى بويىنشا كاسىپكەرلەردى قولداۋ ورتالىعىندا ورنالاسقان (تەل. 8 727 331 01 33). شتابتا ازىق-تۇلىك، كيىم جانە ت.ب. جينالادى. شتابتىڭ جۇمىس ۋاقىتى ساعات 9.00-دەن 21.00-گە دەيىن»، دەلىنگەن حابارلامادا. 

سونداي-اق زارداپ شەككەندەرگە قارجىلاي كومەك كورسەتۋشىلەر ءۇشىن RBK BANK, يك KZ 088210339812162864 ەسەپشوتى اشىلعان.

سونىمەن قاتار زارداپ شەككەندەرگە قولداۋ كورسەتۋ ءۇشىن بىرقاتار انشىلەر قايىرىمدىلىق كونتسەرتىن بەرمەك. بۇعان قوسا مۇقتاج جاندارعا جاردەم بەرۋگە ءتۇرلى قوعامدىق باستامالار كوتەرىلىپ جاتىر.

ەستەرىڭىزگە سالاتىن بولساق، وتەنشە وقيعا  23 شىلدە كۇنى تۇنگى ساعات 03:00 شاماسىندا ورىن الىپ، كولدەگى بوگەتتىڭ بۇزىلۋىنان 40 مىڭ تەكشە مەتر سۋ اسقان. تاسقىن سۋ قارعالى وزەنىنە قۇيىپ، ودان اسقان سۋ الماتى قالاسىنىڭ ءۇش اۋدانىن ءىشىنارا باسىپ ءوتتى. سونىڭ ىشىندە ناۋرىزباي اۋدانى سەل تاسقىنىنان كوبىرەك جاپا شەگىپ وتىر. سونىمەن بىرگە قارعالى وزەنى بوگەتى ماڭىنان 1036 ادام قاۋىپسىز جەرگە شىعارىلدى. 

اباي-اقپارات