قازاقستاندىق عارىشكەر ايدىن ايىمبەتوۆتىڭ 2015 جىلدىڭ 1 قىركۇيەگىنە جوسپارلانعان حعس ساپارىنداعى ۇشۋ قىزمەتى وزگەردى. Tengrinews.kz-ءتىڭ جازۋىنشا، ەندى جەرلەسىمىز "عارىش ساپارىنىڭ مۇشەسى" ەمەس، "№2 بورتينجەنەرى" بولدى. ونىڭ ستانتسيا بورتىنداعى مىندەتى 10 كۇنگە سوزىلادى.

وسىعان دەيىن ۇلتتىق عارىش اگەنتتىگىنىڭ توراعاسى تالعات مۇساباەۆ ايىمبەتوۆتىڭ مىندەتى حعس-تە ءتۇرلى جۇمىستار اتقاراتىن عارىش كەمەسىن باسقارۋ، سونىمەن قاتار، "ۇلتتىق عارىشتىق زەرتتەۋلەر مەن تەحنولوگيالار ورتالىعى" اق عىلىمي جوبالارىن جۇزەگە اسىرۋ ەكەنىن ايتقان بولاتىن.

ونىمەن بىرگە حعس-عا "سويۋز تما-18م" كەمەسى ەكيپاجىنىڭ قۇرامىندا سەرگەي ۆولكوۆ پەن ەۋروپا عارىش اگەنتتىگىنىڭ وكىلى اندرەاس موگەنسەن ۇشادى.

اباي-اقپارات