لۋكاشەنكو بەلارۋستىڭ كەلەسى پرەزيدەنتتىگىنەن ۇمىتكەر
بەلارۋس ورتالىق سايلاۋ كوميسسياسى الەكساندر لۋكوشەنكونى ەل پرەزيدەنتتىگىنەن ۇمىتكەر بولۋعا ۇسىنعان باستاماشىل توپتىڭ قۇجاتتارىن قابىلدادى. توپ جەتەكشىسى بولىپ كاسىپوداقتار فەدەراتسياسىنىڭ باسشىسى ميحايل وردا بەكىتىلگەن. بۇل تۋرالى «قازاق.تۆ» ارناسى حابارلادى.
اق ورىس ەلىندە پرەزيدەنت سايلاۋى 11 قازانعا بەلگىلەنگەن. مينسكىدە وتكەن تمد ەلدەرىنىڭ تۇراقتى وكىلەتتى وكىلدەرىنىڭ كەڭەس وتىرىسىندا تمد اتىنان بايقاۋشىلار ميسسياسىن باسقارۋعا سەرگەي لەبەدەۆ تاعايىندالدى.
ء«بىزدىڭ جۇمىس ىستەۋ ءتاسىلىمىز سول باياعىشا ءادىل ءارى الدىن الا بولجانبايتىن سيپاتتا ساقتالادى. بايقاۋ ءجۇرىپ جاتقان ەلدىڭ زاڭناماسى قاتاڭ ساقتالادى. ءبىز جۇمىسىمىزدى جوعارى دەڭگەيدە ۇيىمداستىرۋعا جانە بايقاۋ جۇرگىزىلىپ جاتقان ەلدىڭ ىشكى ىستەرىنە ارالاسپاۋعا بارىمىزدى سالامىز. بۇل ءبىر. سونىمەن قاتار ءبىز ايرىقشا تىلەكتەستىك بىلدىرۋگە تىرىسامىز»، - دەيدى تمد-نىڭ اتقارۋشى كوميتەت توراعاسى - اتقارۋشى حاتشى سەرگەي لەبەدەۆ.
اباي-اقپارات