يشيم تۇتقىنعا الىنعانداردى شىن مانىسىندە ولتىرمەيتىنى بەلگىلى بولدى. ونى "كيبەربۇركىت" حاكەرلەرى قولعا تۇسىرگەن مىنا ءبىر ۆيدەودان انىق كورۋگە بولادى، دەپ حابارلايدى Bnews.kz.

بۇگىنگە دەيىن يشيم-ءنىڭ الەمدى ءدۇر سىلكىندىرگەن باس كەسۋ جانە قاتارىنان ادامداردى وتىرعىزىپ قويىپ، اتىپ ءولتىرۋ ۆيدەولارى ارنايى كينوپاۆيلوندا ءتۇسىرىلىپ كەلىپتى. جەندەتتىڭ كيىمىن كيىنگەن "لاڭكەس" تۇتقىننىڭ باسىن الىپ جازالاعانىن ينتەرنەتتەن كۇندە كورىپ ءجۇرمىز. مۇنىڭ بارلىعى دا كاسىبي مامانداردىڭ جۇمىسى بولىپ شىقتى.
"كيبەربۇركىت" حاكەرلەرىنىڭ ايتۋىنشا، ولار ۆيدەونى اقش سەناتورى دجون ماككەيننىڭ جانىنداعى امەريكالىق ساياساتكەرلەردىڭ ءبىرىنىڭ كومپيۋتەرىنەن ۇرلاعان. حاكەرلەر ساياساتكەردىڭ سەلقوستىعىن مازاق ەتىپ، ەكىنشى رەت شەتەلدەرگە شىققاندا قۇپيا قۇجاتتارىن الىپ جۇرمەۋگە كەڭەس بەرىپ وتىر.
ايتا كەتۋ كەرەك، 2014 جىلدىڭ تامىزىنان باستاپ يشيم لاڭكەستەرى زاڭعا باعىنباعاندار مەن تۇتقىنداردى جازالاپ، ۆيدەوسىن عالامتورعا سالۋدى ادەتكە اينالدىرعان بولاتىن. بۇل ۆيدەولاردىڭ بارلىعىنىڭ ساپاسى وتە جوعارى ەكەنىن بايقاعان ساراپشىلار اۋەلدەن-اق مۇنىڭ ارنايى قويىلىم ەكەنىن ايتىپ، كۇدىكتەنگەن بولاتىن. ەندى، مىنە كۇدىكتەرىنىڭ راس ەكەندىگىنە كوز جەتكىزىپ وتىر.

اباي-اقپارات