«ەركەكتەر ەكى قاتىن السا، ءبىز دە ەكى بايعا ءتيۋىمىز كەرەك»، - دەپ ەكىلەنگەن ەكس-دەپۋتات باحىت سىزدىكوۆانى رەسەيدىڭ ءبىر قالاسىنداعى شىركەۋ قىزمەتكەرى تىرقىراتىپ قۋىپ شىعىپتى. شىركەۋدەن قۋىلعانى تۋرالى باسقا ەمەس، باحىتتىڭ ءوزى ايتىپ وتىر.

«مەن جۋىردا رەسەيدە بولدىم. رەسەيدەگى پراۆوسلاۆ حرامى مەنى قۋىپ شىقتى. سونداعى ايتاقانى: «سەن شوقىنباعانسىڭ، سوندىقتان تايىپ تۇر بۇل ارادان» بولدى. قاسىمدا پراۆوسلاۆتىق قۇربىم بار ەدى، سول قۇربىم اراعا ءتۇسىپ، شىركەۋ قىزمەتكەرىنە: «بىزدە قازاقستاندا كەز-كەلگەن ادام – ول مۇسىلمان، يا، بۋدداشىل، يا، كاتوليك بولسىن – شىركەۋگە كىرە بەرەدى. مەن پراۆوسلاۆپىن، ايتسە دە، مەشىتكە ەش قيىندىقسىز باس سۇعامىن»، - دەدى. وسىدان كەيىن بارىپ شىركەۋ قىزمەتكەرىمەن ارامىزداعى اڭگىمەمىز ەپتەپ جونگە كەلىپ، ول مەنىڭ «وتچە ناش»-تى جاتقا ايتاتىنىمدى، ەرۋساليمگە ءدىني پارىزىمدى وتەۋگە بارعانىمدى، قۇداي ۇلىنىڭ قابىرىنىڭ باسىندا بولعانىمدى ءبىلدى. سودان سوڭ ازداپ جىلىپ، مەنى حرامعا كىرگىزدى. الايدا ايتتى: «شوقىنباعان، سەن شىققان سوڭ ءبارىبىر ارتىڭدى تازالايمىن»، -دەپ. راسىندا، مەن شىركەۋدەن شىققان بەتتە ول قاسيەتتى سۋدى شاشىپ، شىركەۋدىڭ ءىشىن تازالاي باستادى».

بۇل – «ورازا تۇتتىم» دەپ تاياۋدا ورىس ءتىلدى سايتتارعا سۇحبات بەرگەن باحىت سىزدىكوۆانىڭ ءسوزى. باحىت قازاقستاندا تۋعانىنا ءوزىن وتە باقىتتى سەزىنەدى.

«بىزدە الگىندەي ءىستىڭ بولۋى مۇمكىن ەمەس. مەن ءارتۇرلى ءدىن وكىلدەرى ءبىر-ءبىرىن سىيلاپ تۇراتىن كوپكونفەسسيونالدى قازاقستاندا تۋعانىما ماقتانامىن»، - دەيدى ول.

Abai.kz