قازاقستانداعى بەلگىلى سايتتاردىڭ ءبىرى ztb.kz ماسكەۋلىك قازاقتىڭ قازاقستاننىڭ مەملەكەتتىك ءانۇرانىن ورىس تىلىندە شىرقاعانى تۋرالى جازدى. سايتتىڭ جازۋىنشا، قازاق ءانۇرانىن ورىسشا شىرقاعان اقتان ءسۇيىنشالين ەسىمدى ماسكەۋ قالاسىنىڭ تۇرعىنى الماتى قالاسىندا تۋعان ەكەن.

ورىسشا ايتىلعان ءانۇراندى جاريالاۋشىلار ءانۇراننىڭ قازاقستاننىڭ تاۋكەلسىزدىك العاننان بەر قارايعى جىلداردا «مەملەكەتتىڭ قارىم-قاتىناس ءتىلى» ستاتۋسى بار ورىس تىلىندە ايتىلماعانىن سىناعانداي سىڭاي تانىتادى. «تاۋەلسىزدىكتىڭ بارلىق ۋاقىتىندا ۇلتتىق ءانۇراننىڭ مەملەكەتتىڭ رەسمي تىلىندەگى پوەتيكالىق اۋدارماسى بولمادى»، - دەپ جازادى جاريالاۋشى.

“Youtube-دە” ۆيدەوسى جاريالانعان ءانۇراننىڭ استىنا تىڭداۋشىلار «جاقسى» باعا ءبىلدىرىپ كوپتەگەن پىكىر قالدىرعان. ءتىپتى كەيبىر تىڭدارماندار ورىنداۋشىنىڭ «باتىلدىعىنا» العىس تا ءبىلدىرىپ جىبەرىپتى.

تۋدى جىرتىپ قوقىس تاسىعاندى دا كوردىك. شەتەلدىكتەردىڭ قازاقستاندى مازاقتاپ كينو تۇسىرگەنىن دە كوردىك. كورمەي كەلە جاتقانىمىز از ەمەس. الماتىدا تۋعان جيرينوۆسكيدىڭ ماسكەۋ تورىندە قازاقستاندى رەسەيدىڭ جەرى ەتەمىز دەگەنىن دە ەش قارسىلىقسىز تىڭدادىق. ەندى كەلىپ الماتىدا تۋعان ءبىر قازاق مەملەكەتتىك ءرامىزىمىز – ءانۇراندى ورىسشا ايتىپتى. ال ونى قىزۋ قولداپ، قول شاپالاقتاپ جاتقاندار كوپ. بۇلاي كەتە بەرسە، اسسامبلەيانىڭ جيىرما جىلدىعى دەپ شۋلاپ، ۇسىنىس ايتقىش اسسەمبليستتەر، مۇمكىن، ءانۇراندى ورىسشا ايتۋ تۋرالى باستاما كوتەرىپ جۇرەر. ەرتەڭ عالامتوردا ءانۇراندى ۇيعىرشا، كارىسشە ايتقاندار شىقسا تاڭ قالا الماي قالارمىز.  تەڭگەمىزدە ورىس ءتىلى بار، ورىس ءتىلى «رەسمي ءتىل» ستاتۋسىنا ايىرىلماستاي جابىسىپ العان. ەندى كەلىپ ءانۇراندى ورىسشالاپ جاتىرمىز...

ەگەر، ۇقك شىنىمەن مەملەكەتتىڭ ۇلتتىق قاۋىپسىزدىگىن ويلايتىن بولسا، مەملەكەتتىك مۇددەگە قول سۇعاتىن وسىنداي دۇنيەلەرگە بەيجاي قاراماۋى كەرەك دەپ سانايمىز. بۇيتە بەرسە ءبىر كۇنى كوك بايراعىمىز قىزىلعا بويالىپ كەتەر...

نۇرعالي نۇرتاي

Abai.kz