تانىمال قازاقستاندىق كورىپكەل، “ەكستراسەنستەر شايقاسى” (بيتۆا ەكستراسەنسوۆ) تەلەشوۋىنىڭ ءفيناليسى باقىت جۇماتوۆا قازاقستاندى دەموگارفيالىق كوبەيۋ كۇتىپ تۇرعانىن، الدا يليم ۇيىمىنىڭ تىرشىلىگىن توقتاتاتىنىن، يزرايل مەن جاپونيانى سۋ باساتىنىن جانە ەلىمىزدىڭ دامۋىندا ۇلكەن سەكىرىس بولاتىنىن بولجاپ بەردى. بۇل تۋرالى ءوز دەرەككوزىنە سىلتەمە جاساپ Nur.kz جاڭالىقتارى جازدى.

بار اقپاراتتى پاراللەلدى الەمنەن الىپ وتىرامىز دەيتىن جۇماتوۆا قازاقستان داعدارىستان تەك 2017 جىلى ەكسپو كورمەسى وتكەننەن كەيىن عانا شىعا الاتىنىن ايتۋدا. ونىڭ ويىنشا، بۇل ەلىمىزدىڭ بەدەلىن ءوسىرىپ، ناتيجەسىندە الەمدىك سايىستار مەن وليمپيادالار بىزدە وتەتىن بولادى.

ساۋەگەي كوپتەگەن ءوندىرىس ورىندارى 1941 جىلدارداعىداي رەسەي مەن ۋكراينادان ءبىزدىڭ ەلگە كوشەتىن بولادى جانە ەلىمىزگە كوپتەگەن نەمىستەر كەلەدى دەپ سەنەدى.

جۇماتوۆا يليم-ءنىڭ كۇنى ساناۋلى ەكەنىن بولجادى.

“بۇل ال-كايدا ەمەس، بۇل ءتىپتى ءدىني قۇرىلىم دا ەمەس. بۇل مۇناي ايماقتارىن، ناقتى ايتقاندا يراك، سيريا جەرلەرىن جاۋلاپ الاتىن قۇرىلىم. ولاردىڭ كەلەسى قۇرباندارى يران، اراب امىرلىگى جانە ساۋد ارابياسى بولماق… بۇل ورايدا مەن مۇنايدى ساتۋدى مەڭزەپ وتىرمىن. ولار ايماقتاردى مۇناي ساتۋ ارقىلى جاۋلاپ الۋدا. جاي عانا ءبارىن ءولتىرىپ كەتە بەرۋ ەمەس”، – دەيدى كورىپكەل.

ول يليم-ءنىڭ بولاشاقتا الەمدى جاۋلاپ العانىن كورمەيتىنىن جانە ولار ناپولەون، گيتلەردىڭ قاتەلىگىن قايتالاپ وتىرعانىن ايتۋدا. كورىپكەل يليم 2015-2016 جىلدارى جۇمىسىن توقتاتادى دەگەن بولجام جاسادى.

سونىمەن قاتار جۇماتوۆا ۇقك وكىلى نۇرتاي ابىقايدىڭ “يليم – ءبىر اقىلدى باسقارىپ وتىرعان قويلاردىڭ وتارى” دەگەن سوزىنە كەلىسەتىنىن جاسىرمادى.

كورىپكەل بولاشاق الەمدە تەك باتىس ءسىبىر مەن قازاقستان ايماعى قالىپ، قالعانى سۋ استىنا كەتەدى دەپ بولجادى. سول سەبەپتى بىزگە كوپ جاپوندىقتار كەلىپ، اۋعانىستان جەردەن عايىپ بولادى ەكەن. يزرايل دە جەر بەتىنەن جوعالىپ كەتەدى.

جۇماتوۆا قازاقستان دامۋدىڭ سەنگىسىز سەكرىسىن باستان كەشىرەتىنىنە سەنىمدى.

“تۋرا ءۇش جىل وتەدى – 15, 16, 17. 2017 جىلى قازاقستان اقش سياقتى اۋقاتتى بولادى. بىزدە بۇكىل الەم بولادى. بۇكىل الەم قازاقستاندا بولادى – بۇل كەرەمەت ەمەس پە؟ ءبىزدىڭ جاسىرار تۇگىمىز جوق. جەرىمىز دە كەڭ. ءبارى قىزمەت ەتىپ، سالىق تولەسىن. بۇدان بىزگە ەش زيان بولا قويمايدى”، – دەپ مالىمدەدى جۇماتوۆا.

ءسوز سوڭىندا كورىپكەل قازاقستاندىقتارعا بەيبىت ءومىر مەن جارقىن بولاشاق تىلەدى.

اباي-اقپارات