...جۇرت “جۋرناليستەر مەيرامىن” تويلاپ ءماز، ال مەنى كوڭىلسىزدىك باستى...

...پاۆلودار وبلىسى اكىمىنىڭ رەزي­دەن­تسياسىندا ايماق باسشىسى قانات بوزىمباەۆتىڭ ۇلى قىز زورلاعان با (الدە، زورلاعىسى كەلگەن بە) نەمەسە بىرەۋلەر ادەيى جالا جاپقان با - انىق-قانىعى بەلگىسىز، ايتەۋىر، سايىپ كەلگەندە، بىلدەي وبلىس اكىمى جەرگىلىكتى گازەت رەداكتورى تاراپىنان اقشا بوپسالاۋ ءىسى بويىنشا جابىرلەنۋشى دەپ تانىلدى.

“اكىمنىڭ ۇلىنىڭ قىز زورلاۋى” بويىنشا جۋرناليستىك تەكسەرۋ جۇر­گىزگەن «ۆەرسيا» گازەتىنىڭ رەداكتورى ياروسلاۆ گولىشكينءدى ۇقك-ءنىڭ ارنايى جاساعى «وبلىس اكىمىنەن اسا ءىرى كولەمدە اقشا بوپسالاعان» (500 مىڭ اقش دوللارى كولەمىندە) دەگەن ايىپپەن تۇتقىنداپ، ءبىر ايدان بەرى قاماۋدا وتىر. ەگەر ياروسلاۆ گولىشكيننىڭ اسا اۋىر قىلمىسى دالەلدەنسە، 7 جىلدان 15 جىلعا دەيىنگى مەرزىمگە باس بوستاندىعىنان ايىرىلۋى مۇمكىن...

...ال، الماتى قالاسىنىڭ مە­دەۋ اۋداندىق سوتى Nakanune.kz سايتىندا 2014 جىلدىڭ 15 قازا­نىن­دا جاريالانعان«نوۆىە پا ۆ مارلەزونسكوم بالەتە «كازكو­ما»» اتتى ماقالاعا نارازى بولعان «قازكوممەرتسبانكتىڭ» تالاپ-ارىز­ىن قاناعاتتاندىرىپ، سايت يەسى گۋزيال بايدالينوۆاعا 20 ميلليون تەڭگە (107 مىڭ اقش دوللارى­نان استام) ايىپپۇل سالدى.

اتالعان ماقالادا «سامرۇق-قازىنا» ۇلتتىق ءال-اۋقات قورى مەن الماتى قالاسى اكىمدىگى اراسىندا 2009 جىلدىڭ 11 قاراشاسىندا بەكى­تىلگەن ىنتىماقتاستىق مەمو­ران­دۋمىنا سايكەس، قۇرىلىس­ىن اياقتاۋعا مەملەكەتتىك بيۋدجەت­تەن 75 ميلليارد تەڭگە ءبولۋ قاراس­تى­رىل­عان «سايران» كوپفۋنكتسيالى تۇرعىن ءۇي كەشەنى ۇلەستىك قۇرىلىس نىساندارىنا قاتىستى «زاڭ بۇزۋ­شىلىقتار» مەن قۇرىلىس نورمالارى مەن ەرەجەلەرىنىڭ ورەسكىل بۇزىلعانى ءسوز بولعان.

«قازكوممەرتسبانك»-ءتىڭ وكىلى ءالمي­را الىنباەۆا اتالعان ماقالا­نىڭ بانك­تىڭ ىسكەرلىك بەدەلىنە ۇلكەن نۇق­سان كەلتىرگەنىن ايتىپ، سايتتان 25 ميلليون تەڭگە (شامامەن، 134 مىڭ اقش دوللارى) ءوندىرۋدى تالاپ ەتكەن.

جاۋاپكەردىڭ وكىلى سەرگەي ۋت­كين: “ماقالادا «بانك پەن الماتى اكىمدىگىندە جەمقورلىققا جول بەرىلگەن» دەپ تۋرا ايتىلماعان، تەك قۇقىق قورعاۋ ورگاندارى نازارىنا ىلىگۋى مۇمكىن بولجامدار عانا ايتىلعان” - دەگەن دالەلدى ۋاجبەن ماقالاعا فيلولوگيالىق ساراپتاما جۇرگىزۋدى وتىنگەن ەدى، سوت ورىنداۋدان باس تارتتى.

مۇنى كەم كورسەڭىز، سوت اقپارات قۇرالىنان «قازكوممەرتسبانكتىڭ» پايداسىنا 20 ميلليون تەڭگە وندىرۋمەن بىرگە، ماقالانى سايتتان الىپ تاستاۋدى دا مىندەتتەدى.

ءتول مەرەكەسىنىڭ تۇسىنداعى سۇم­دىق جاعدايعا مەنىڭ ارىپتەستەرىم “سوز ەركىندىگىن شەكتەۋ” دەپ شۋلادى...

ال مەن ايتار ەدىم: قازىرگى قا­زاق قوعامى - جۋرناليستەردى جەر قىلاتىن كەساپات قوعامعا اينال­دى. ۇرى-قارىنىڭ كەشە عانا قىل­مىسكەر نەمەسە قۇل-قۇتان بولعان اتا-باباسى مەن اكە-شەشەسىن بولماشى تيىن-تەبەنگە ماقتاتىپ قويعان ەلدىڭ كەلەشەگى وتە كۇڭگىرت.

شىندىق ايتىلماعان قوعام – شىرىككە اينالادى...

قاجىمۇقان عابدوللا

Abai.kz