ءبىلىم جانە عىلىم ۆيتسە-ءمينيسترى تاكير بالىقباەۆ الداعى وقۋ جىلىنا ارنالعان مەملەكەتتىك ءبىلىم بەرۋ تاپسىرىسىنىڭ كولەمى جايىندا ايتىپ بەردى، - دەپ حابارلايدى Tengrinews.kz سايتى.

"الداعى ءبىلىم بەرۋدىڭ مەملەكەتتىك تاپسىرىسىن بەكىتۋ تۋرالى قاۋلى قابىلداندى. مەملەكەتتىك تاپسىرىس كولەمى - 39 994 ورىن، ونىڭ ىشىندە باكالاۆريات - 32 168 گرانت، ماگيستراتۋرا - 7 241 گرانت، دوكتورانتۋرا - 623 گرانت. مەملەكەتتىك تاپسىرىستا الداعى جىلدارداعىداي تەحنيكالىق ماماندىقتار كوش باستاپ تۇر - 42,4 پايىز", - دەدى ۆيتسە-مينيستر استاناداعى القا وتىرىسىندا.

ونىڭ ايتۋىنشا، بۇل جىلداعى ەرەكشەلىك گرانتتاردىڭ ءتىل بويىنشا ۇلەستىرىلۋىندە - قازاق بولىمىنە 75 پايىز جانە ورىس بولىمىنە 25 پايىز. "مۇنداي شەشىم قازاق بولىمىندەگى كونكۋرستى ەسەپكە الۋدىڭ جانە مەجەلىك بالدىڭ دەڭگەيىنىڭ نەگىزىندە قابىلداندى", - دەپ ءتۇسىندىردى ول.

اباي-اقپارات