ورتالىق جانە وڭتۇستىك ازيا ەلدەرىنىڭ زورلىق ەكسترەميزمگە قارسى ءىس-قيمىل جونىندەگى وڭىرلىك كونفەرەنتسياسىندا ۇقك باستىعى نۇرتاي ابىقاەۆ:

ء"وزىن "يسلام مەملەكەتى" دەپ اتايتىن "دايش" لاڭكەستىك ۇيىمى شىن مانىندە ءدىني-ەكسترەميستىك ينتەرناتسيونالعا اينالدى، وندا ءتۇرلى ەلدەردىڭ ونداعان مىڭ ازاماتى مۇشە. ايتا كەتەيىك، ساياساتكەرلەر مەن تىلشىلەردىڭ "دايشكە" قاتىستى "يسلام مەملەكەتى" اتاۋىن قولدانۋىن دۇرىس دەپ ەسەپتەمەيمىز. "مەملەكەت" دەگەن ءسوزدى قولدانۋ بۇل جاعدايدا ۇيىمدى بۇركەمە ماندە ليگيتيمدى ەتىپ كورسەتەدى، بۇل دەگەنىڭىز قاتەلىك. ولار وزدەرىن قالاي اتاسا دا، ارنايى قىزمەتتەردە ءبىز "دايش" قىسقارماسىن قولدانامىز", - دەپ مالىمدەمە جاسادى.

كوميتەت توراعاسى سيرياداعى قازاقستاندىقتار تۋرالى: "قازىرگى ۋاقىتتا سيريا مەن يراكتاعى قارۋلى قاقتىعىسقا 150-دەن اسا قازاقستاندىق قاتىسىپ جاتىر، ولارمەن بىرگە سودىرلاردىڭ 200-دەن اسا ايەلى، جەسىرى جانە بالاسى بار. كەي تىلشىلەر مۇنداي ادامداردىڭ جولىن نەگە بوگەۋىمىز كەرەكتىگىن سۇرايدى جانە ولىمگە باس تىكسە ءوز تاڭداۋىنىڭ سولاي بولعانى ەكەنىن ايتادى. اۋعانستاندا، سيريادا جانە يراكتا ونداعان ادامنىڭ ءوز تاڭداۋىمەن قازا بولعانىن ايتادى. الايدا ءبىز ازاماتتارىمىزدىڭ لاڭكەس بولىپ، قازا تاۋىپ جاتقانىن قالىپتى جاعداي دەپ قابىلدامايمىز. سونىمەن قاتار، سول ادامداردىڭ كەيبىرەۋىنىڭ رۋحاني-ادامگەرشىلىك ۇستانىمدارىنان شاتاسىپ، لاڭكەستىك كۇرەس پەن ءوزى سەكىلدىلەردى جويۋ بويىنشا كاسىبي دايىندىق وتكەننەن كەيىن نيەتى بۇزىلىپ، ساناسى ۋلانعان كۇيى قايتاتىنىن بىلەمىز", - دەيدى.

اباي-اقپارات