ارمەنيا پرەزيدەنتى ەلەكتر باعاسىن قىمباتتاتۋ تۋرالى قاۋلىنىڭ كۇشىن جويدى. بۇل تۋرالى  BBC جازدى.

ەل پرەزيدەنتى سەرج سارگسيان ەل ۇكىمەتىنىڭ ۋاقىتشا بارلىق شىعىنداردى ءوز موينىنا الاتىنىن، بۇل ۋاقىتتا "ارمەنيا ەلەكتروسەتى" كومپانياسىنىڭ تەكسەرىلەتىنىن مالىمدەگەن.

ەستەرىڭىزگە سالاتىن بولساق، ارمەنيادا ەلەكتر ەنەرگياسىنىڭ 1 تامىزدان باستاپ 16 پايىزعا قىمباتتاۋى تۋرالى 17 ماۋسىمدا شەشىم قابىلدانعان بولاتىن. بۇعان 19 ماۋسىمنان باستاپ ەل استاناسى ەرەۆاندا قارسىلىق شارالارى وتە باستاپ ەدى. بۇل ءوز كەزەگىندە باسقا دا قالالارعا ۇلاسىپ، جالپى حالىقتىق تولقۋ تۋعىزدى. ولار، ەلەكتر ەنەرگياسى ءتاريفىنىڭ قىمباتتاۋى توقتالمايىنشا دەمونستراتسيالاردى توقتاتپايمىز دەگەن.

اباي-اقپارات