...الاقانداي اۋىل الماتىدان ءبىز كەلگەندە دۇرلىكتى دە قالدى. دۇرلىكپەي قايتسىن، اساي- مۇسەيىن ارقالاپ سەريال تۇسىرەتىندەر كۇندە كەلىپ جاتقان جوق. اسىرەسە، وزىنەن بىرەر جاس قانا كىشى "زيل" ماشينەسىنىڭ كابيناسىنان ىرجيىپ قاراپ وتىرعان قارا جىگىتتىڭ ەكى ەزۋى قۇلاعىندا. ونىڭ قۋانىشىنىڭ دا ءوز سىرى بار. باعى جانىپ ءبىزدىڭ ءتۇسىرۋ توبىندا جۇمىس ىستەيتىن بولعان. ماشينەسى دە ءبىر قاجەتكە جاراپ تۇر. اتى-ايدوس. ايدوسىمىز وتە پىسىق بولىپ شىقتى. ءوزى ءتۇسىرۋ الاڭىنداعى تىنىشتىققا جاۋاپ بەرەدى. كينو ءتۇسىرىلىپ جاتقاندا اۋىلدا شىبىننىڭ ىزىڭى ەتىلمەيدى. رەجيسسەردىڭ "موتورىنان" ايدوستىڭ "تيحو" دەگەنى وكتەمدىرەك شىعاتىنداي. كينوداعى "قىزمەتىنە " ءبىر اپتا تولار،تولماستا بۇل باۋىرىمىز الماتىدان كەلگەندەرمەن "سەلفيلەتۋدى" شىعاردى. اتاقتى اكتەر، اكتريسالارمەن مىجىرايعان كەپكاسىن باسا كيىپ سۋرەتكە تۇسەدى دە جاتادى. ءبىر كۇنى ماعان دا كەزەك جەتتى -اۋ! كوكقاسقا "زيل -ءدىڭ " كابيناسىنا سەكىرىپ شىعىپ، ىرجيىپ سەلفي جاسادىق. "اۋىل شوپىرىن" تاپتىق دەپ فب- عا جار سالعانىمىزدى وزدەرىڭىز دە بىلەسىزدەر. اندا-ساندا قوسىلا قالاتىن ينتەرنەتتەن ءوزىن كورىپ ايدوسىمىز ءماز بولدى دا قالدى. 
-مىنا "اۋىل شوپىرى" دەگەندەرىڭ ماعان بالە بولىپ جابىسپاي ما؟-دەدى ءبىر كەزدە جۇلىپ العانداي، -ايتپايتىنى جوق قوي ءوزىنىڭ...
ءبارىمىز ءبىر -بىرىمىزگە قارادىق. مىنا باۋىرىمىز سونشالىقتى اڭعال دەپ كىم ويلاعان! 
-مەن دە سونى ويلاپ وتىرمىن،-دەدى بىردەن وبرازعا ەنە قويعان باقىتجان الپەيىسوۆ،- سەنى "اۋىل شوپىرى" دەپ جازعاندارى بەكەر بولعان. اناۋ اباس-شاحتىڭ تۇگى كەتپەيدى. ەندى بۇعان دەيىن ايتىلعانداردىڭ ءبارىن سەنەن كورەتىن شىعار؟ 
-ءتيىستى مەكەمەلەر كوپتەن بەرى ىزدەپ ءجۇر ەدى..."جەردەن جەتى قويان تاپقانداي " جەتىپ كەلەتىن شىعار، -دەپ دۋلىعا اكتەر دە جاندىرىپ قويدى . 
بايقايمىن "اۋىل شوپىرىنىڭ باسى مۇلدەم سالبىراپ كەتتى. اندا-ساندا كوز قيىعىمەن ماعان قاراپ قويادى. نە دەيىن؟ بۇلدىرگەن مەن...بىردەڭە دەۋىم كەرەك پە ەدى؟ ۇندەمەدىم. سودان "اۋىل شوپىرىنىڭ" قاباعى اشىلمادى. "تيحو" دەگەن وكتەم ءۇنى دە ەستىلمەي قالدى. وزىمەن ءوزى. كوڭىلسىز. تىنىمسىز جۇمىستىڭ ءسال سايابىر تارتقان ءساتى ەدى. باسى سالبىراپ وتىرعان ايدوسىمىزدىڭ تەلەفونى بەزىلدەپ قويا بەردى. الا بەرىپ ءتۇسى بۇزىلىپ كەتكەن باۋىرىمىز اۋلاققا بارىپ ۇزاق سويلەستى. كورىپ وتىرمىز. ءبىر كەزدە تەلەفونىن قالتاسىنا سالىپ، ماڭدايىنان اققان تەردى كۇرسىنە ءسۇرتىپ، جۇرەلەپ وتىرا كەتتى. سوسىن مەن جاققا تەسىلە قاراپ، ۇزاق وتىردى . 
-اعا!-دەدى داۋىسى دىرىلدەپ، -"انالار" مەنى اقىرى تاۋىپ الدى. كازىر تەلەفون شالىپ "اۋدانعا جەت" دەپ جاتىر...نە ىستەيمىن؟ 
-نە دەيىن؟ بارۋ كەرەك شىعار؟ -دەيمىن مەن دە كۇمىلجiپ. ءبىر قۋلاردىڭ تەلەفون شالىپ، قورقىتىپ جاتقانىن مەن دە سەزىپ وتىرمىن. ايتا المادىم. "اۋىل شوپىرى" اۋىر ويعا باتىپ، ءارى - بەرى ءجۇردى دە قويدى. ءبىر كەزدە تەز،تەز باسىپ ماعان كەلدى. 
-اعا، بارسام بارايىن! نە بولسا دا كورىپ الدىم."اۋىل شوپىرى" مەن - اق بولايىن. ونىڭ ايتقاندارىنىڭ ءبارى شىندىق قوي. تەك سىزدەن ءبىر ءوتىنىش - جالعىز قىزىم بار ەدى. سول سىزگە امانات!..
سوڭعى ءسوزىن ايتقاندا "اۋىل شوپىرىنىڭ" اۋىزى كەمسەڭدەپ كەتتى. وبرازعا كىرىپ وتىرعان مەنىڭ دە كوزىمە جاس تۇنا بەرگەنى... اينالا وتىرعان جۇرت قىران -توپان كۇلىپ جاتىر. ايدوسىمىز مىج-مىج كەپكاسىن جەرگە اتىپ جىبەردى دە سىرتقا بەتتەدى. سودان بەرى سەلفي جاسامايتىن بولدى...

الەۋمەتتىك جەلىدەن.