«اباي جولىمەن» كەلە جاتقانمىن. عابيت مۇسىرەپوۆتىڭ «ۇلپانىن» كەزدەستىرىپ قالدىم. بۇرىننان تانيمىن عوي، ءجون سۇراسام، ەپوستىق جىرداعى– «بايان سۇلۋ» ساۋدا ورتالىعىندا مۇحتار ماعاۋيننىڭ «الاساپىرانى» (مەنەدجەر دەگەنىم عوي..) بولىپ جۇمىس ىستەپ جاتىر ەكەن.

وزىمشە «دۆيجەنيە» جاساعىم كەلىپ كەتتى. ءسابيت مۇقانوۆتىڭ ء«مولدىر ماحابباتىن» باسىمنان وتكەرىپ تۇرمىن. باياعىدا تىنىمباي نۇرماعانبەتوۆتىڭ «اتا قونىسىنا» بارعانىمدا، ءبىر رەت كورگەنمىن. بويجەتىپ قالىپتى. جۇسىپبەك ايماۋىتوۆتىڭ "اق بىلەگىندەي" بىلەگى اپپاق ەكەن... سپانديار كوبەەۆتىڭ «قالىڭ مالىن» تولەپ، ۇيلەنىپ السام با ەكەن؟ ءاي، بىراق قۋ كەدەيشىلىك-اي، بەيىمبەت ءمايليننىڭ «سەكسەن سومى» جەتپەيدى عوي. مەيلى، ماعجاننىڭ «باتىر بايانى» سياقتى ءولىپ كەتسەم دە شىرەنىپ تۇرۋىم كەرەك قوي. ولگەنى قۇرىسىن، بەردىبەك سوقپاقباەۆ جازىپ كەتكەن: «ولگەندەر قايتىپ كەلمەيدى»... شىنىمدى ايتسام، ءابدىجامىل نۇرپەيسوۆتىڭ «قان مەن تەرىندەي» تەرلەپ كەتتىم. قىز دا ۇندەمەيدى. تۇتقاباي يمانبەكوۆتىڭ «تۇت اعاشىنىڭ كولەڭكەسىندە» ءالى تۇرمىز. بۇل قىز ماعان مۇقاعالي ماقاتاەۆتىڭ «ارمانى» سياقتى ما؟ جوق الدە، شىڭعىس ايتماتوۆتىڭ «جان پيداسى» دەگەندەي، الىپ قاشسام با؟ سوتتالىپ كەتەمىن-اۋ! رىمعالي نۇرعاليدىڭ «اياقتالماعان تراگەدياسى» بولىپ جۇرسەم شە؟ نە دەپ كەتتىم؟ ساكەن يماناسوۆ سياقتى «ايتار ەدىم»، بىراق ءتىلىم كۇرمەلىپ... 
– كەشىرىڭىز، تەودور درايزەردىڭ «اياۋلى كەرريىنە» ۇقسايدى ەكەنسىز... – دەدىم مەن.
– اعاي، حاللدور لاكسنەسستىڭ «ارمانىن اڭساعان جاندار» كۇيىن كەشكەن جالعىز ءسىز ەمەس... – دەدى بويجەتكەن نازدانىپ.
– كەشىرىڭىز، ءازىلحان نۇرشايىقوۆتىڭ «ماحاببات قىزىق، مول جىلدارىن» باستاساق قايتەدى؟ –دەپ ازىلدەدىم مەن دە.
– ءمۇستافيننىڭ «ميلليونەرى» بولساڭىز، كورەمىز...
– حاميت ەرعاليەۆشە ء«بىزدىڭ اۋىلدىڭ قىزى» عوي، قاراپايىم قارىنداستى جولىقتىردىم دەپ ويلاپ تۇرسام... اقشانى عانا ويلاعانشا، بەكحوجيننىڭ ء«ماريام جاگور قىزىنان» ۇلگى الساڭىز ەدى!
– اعاي دەيمىن، ءازىلدى كوتەرە المايسىز با، ءجۇدا تاحاۋي اقتانوۆتىڭ «قاھارلى كۇندەرىنە» ۇقساپ باراسىز...
– ءىلياس ەسەنبەرليننىڭ «جانتالاسىنداي» جارماسىپ جاتقانىم عوي، قارىنداس...
– نەمەنە، ساكەن ءجۇنىسوۆتىڭ «اقان سەرىسى» مە ەدىڭىز؟ 
– ايتپاقشى، قولىڭىز بوس پا؟ كافەگە بارىپ، روللان سەيسەنباەۆتىڭ «تۇنگى ديالوگىن» باستاساق؟
– مۇراتبەكوۆتىڭ «اي تۋار الدىندا» ما؟
– يا. عابيت مۇسىرەپوۆتىڭ «كەزەسپەي كەتكەن ءبىر بەينەسىندەي» اح ۇرىپ قالمايىن دەپ...
– جارايدى... شەكسيپيردىڭ «كورل ليرىندەي» قويمادىڭىز عوي.
و، ء«مولدىر ماحاببات!» «و، ماحاببات قىزىق مول جىلدار»! ماقاتاەۆتىڭ «اققۋلارى ۇيىقتاعاندا» «ۇلپاننىڭ» قىپشا بەلىنەن قاپسىرا قۇشاقتاپ، قالي سارسەنبايدىڭ «تۇلعا –تاعدىرىنداي» بولماسام دا، كەۋدەمدى كەرە ۇستاپ، «ويانعان ولكە» – شىمقالانىڭ شىرايلى كوشەلەرىندە «الماس قىلىشتاي» جارقىراپ كەلە جاتتىم... و، ماحاببات!

مۇحتار شەرىم

Facebook-تەگى پاراقشاسىنان