بىردە توقسانىنشى جىلدارى انكارادا ۋنيۆەرستيتەتىندە ءدىن جانە فيلسوفيا عىلىمدارى ماگيسترۋراسىندا وقىپ جۇرگەم... ءبىر كىسى ءوزىن "ورتا ازيا جانە جاديديزم" تاقىرىبىن زەرتتەپ ءجۇرمىن دەپ تانىستىردى.

قاراسام، ورىسشاسى، وزبەكشەسى، قىرعىزشاسى قازاقشاسى دا بار ەكەن. "Cەنى ادەيى ىزدەپ كەلدىم، تانىسقالى، ماعان مىنا ماتەريالداردى تاۋىپ بەرسەڭ كومەگىڭ بولار ەدى" دەپ ءوتىنىش جاسادى. تالداۋى، ساراپتاۋى ۇنادى، ناعىز عىلىمي تانىمداعى وقىمىستى بولىپ كورىندى. ءبىر كەزدە ورتا ازيا مەن رەسەي ارسىنداعى تاريح تۋرالى اڭگىمە وربىگەندە، ەكەۋمىز جاراسپاي قالدىق. مەن اشۋلانىپ، الگى وقىمىستىنى قاتتى تىلدەپ تاستادىم. ول ماعان قازاقتى سىناپ جاتقانداي كورىندى. تاقىرىپ شوقان ءۋاليحانوۆ جانە ونىڭ شىعارماسى تۋرالى ەدى... ول كىسى پروفەسسور سەيفەتدين ەرشاحين دەگەن دوسىم. سول مىنەزىمە ءالى دە ەسىمە تۇسسە ۇيالامىن. ونىڭ ايتقان سىنى ءدال قازىر ۋاحابيستەردىڭ عىلىمي نەگىزدە پايدالانىپ جۇرگەن، قازاقتى "حالىقتىق يسلام، شامان، ءتاڭىرشىل" دەگەن شوقاننىڭ نەگىزدەمەسى بولاتىن.

دوساي كەنجەتاي

Abai.kz