كەنتاۋ قالاسىندا جىلىتۋ ماۋسىمى 29 قازاننان باستالدى. العاشقى كەزەكتە بيۋدجەتتiك مەكەمەلەر مەن كوپقاباتتى تۇرعىن ۇيلەر تولىعىمەن جىلۋ جۇيەسiنە قوسىلدى. بۇگiنگi كۇنi جەكە سەكتورداعى ۇيلەرگە جىلۋ بەرۋ جۇمىستارى جۇرگiزiلiپ جاتىر. بۇل تۋرالى قالالىق تۇرعىن ءۇي كوممۋنالدىق شارۋاشىلىعى، جولاۋشىلار كولiگi جانە اۆتوموبيل جولدارى ءبولiمi باسشىسىنىڭ ورىنباسارى ارمان باساروۆ بريفينگتە مالiمدەدi, - دەپ حابارلايدى "وڭتۇستىك قازاقستان" گازەتىنىڭ ءتىلشىسى.

بيىل كوپقاباتتى تۇرعىن ۇيلەردiڭ كوپشiلiگiنە جىلۋ ەسەپتەگiش قۇرالدارى ورناتىلدى. مامانداردىڭ سوزiنە سۇيەنسەك، بۇل جۇيەنiڭ تۇرعىندار ءۇشiن دە تيiمدiلiگi كوپ بولماق. ياعني، تولەماقى تەك العان جىلۋىنىڭ تەمپەراتۋراسىنا بايلانىستى تولەنەدi. سونداي-اق، ەسەپتەگiش قۇرال ارقىلى قۇبىرداعى سۋدى ۇرلاۋشىلاردى انىقتاۋعا دا بولادى. قۇرىلعى ينتەرنەت جۇيەسi ارقىلى باسقارىلاتىندىقتان، اي سايىن «جەرتولەڭدi اش، كورسەتكiشتi جازىپ الامىن» دەپ ەشكiم مازالامايدى. بارلىق مالiمەت ينتەرنەت ارقىلى «كەنتاۋ سەرۆيس» مەكەمەسiنiڭ ەسەپ-قيساپ بولiمiنە ءتۇسiپ وتىرادى.

– مونوقالا باعدارلاماسى بويىنشا ماگيسترالدى قۇبىرلاردى قايتا جاراقتاندىرۋ جۇمىستارى جۇرگiزiلiپ جاتىر. ماگيسترالدى جىلۋ جۇيەلەرiنiڭ بەلگiلi بولiگi اۋىستىرىلىپ، يزولياتسيا جاسالدى. بۇل باعىتتا بيىلعا بولiنگەن قارجىلار تولىعىمەن يگەرiلدi. وبلىستىق بيۋدجەتتەن قارجى قاراستىرىلىپ، وتىن قورى كوبەيتiلدi. كارجى ءبولiنiپ، iشكi ورام جۇيەلەرi جوندەلدi. وتكەن جىلى قالا تۇرعىندارىنىڭ ارىزى بويىنشا جىلۋ الماعان ۇيلەردiڭ قۇبىرلارى اۋىستىرىلدى. بۇگiنگi كۇنi تۇرعىن ۇيلەردiڭ جىلۋ جۇيەسiندەگi ورىن العان اقاۋلاردى جويۋعا 7 بريگادا جۇمىلدىرىلىپ وتىر. «كەنتاۋ سەرۆيس» مەكەمەسiنiڭ كەزەكشiلiك ءبولiمi 24 ساعات بويى جۇمىس اتقارۋدا. قاتتى جانە سۇيىق وتىن قورى جەتكiلiكتi, – دەدi ارمان باساروۆ.

قايرات زاينيشەۆ. كەنتاۋ قالاسى

Abai.kz