"نۇر وتان" پارتياسىنا ەمەس، كومپارتياعا وتۋگە شەشىم قابىلدادىم. كومپارتيانىڭ جاقتاسى بولسام راحات، ەشتەڭەگە باس قاتىرمايمىن.

ارقالىقتىڭ كوشەلەرىنىڭ 70 پايىزى سوۆەتسكايا، لەنين، كوسموناۆت، كرۋپسكايا سياقتى كوممۋنيستتىك اتاۋلار. ءتىپتى لەنين بابامنىڭ 2 ەسكەرتكىشى بار. قوستاناي وبلىسى بويىنشا قانشاما اتاۋلار ءالى كوممۋنيستتەردىڭ اتىندا. ءالى اۋىستىرعان جوق، اۋىستىرۋدى باستاسا دا اۋىستىرماڭدار دەپ بايبالام سالمايمىن. 24 جىلدا 24 كوشەنى ارەڭ اۋىستىرعاندا 24 مىڭ كوشەنىڭ اتىن مەن ولگەنشە اۋىستىرىپ بىتپەيدى، ومىردەن كوممۋنيست بولىپ تىنىش وتەمىن دەگەن ءسوز. وبلىس، قالا، اۋدان اكىمدەرى دە "نۇر وتاننىڭ" ەمەس، مەن جاقتايتىن كومپارتيانىڭ وكىلدەرى سياقتى. "تاۋەلسىز ەلدىڭ نۇر پارتياسىنان سايلانعان اكىم بولسا نەگە ەندەشە كوممۋنيستىك اتاۋلاردان قۇتىلمايدى؟ نەگە ورىس ءتىلىن سۇيەدى؟ نەگە تاۋەلسىز ەل قازاقستاننىڭ ءتىلىن قۇرمەتتەمەيدى؟. "نۇر وتانعا" مانساپ ءۇشىن مۇشە بولىپ جۇرگەن كومپارتيانىڭ جاقتاستارى دەپ ويلايمىن، ول اكىمدەردى! بۇل "نۇر وتاننىڭ" قاتارىنداعى ادامداردىڭ ءبارى ول پارتياعا ادال ەمەس، تەڭ جارتىسى ءبىزدىڭ پارتيانىڭ ادامدارى دەگەن ءسوز. قايتەمىن قازاعىم، ۇلتىم دەپ باس قاتىرىپ، كوشەگە باتىردىڭ ەسىمىن بەر ەسكەرتكىشىن قوي دەپ زارلاپ. ءبارى ءبىر كوممۋنيزمدى جاقتايتىن اكىم قازاقتىڭ باتىرىنا كوشە بەرمەيدى. ودان دا تىپ-تىنىش كومپارتيانىڭ قاتارىندا جۇرگەنىم جاقسى، قوشە اتى دا بىزدىكى،قالا اتى دا بىزدىكى. سەندەر دە مۇشە بولىڭدار، "نۇر وتاننان" كومپارتيا ىقپالدى ەكەن.

داۋلەت سەرىكباي

Facebook-تەگى پاراقشاسىنان