قۇزىرلى ورگان ءباسپاسوز قىزمەتىنىڭ دەرەگىنە سۇيەنسەك، تەررورلىق ۇيىم مۇشەسى 1967 جىلى تۋعان، ي.ۋ. قازاننىڭ 21-ءى كۇنى وش قالاسىندا ۇستالعان.

تەرگەۋ بارىسىندا كۇدىكتىنىڭ قىرعىزستاندا تيىم سالىنعان حالىقارالىق تەررورلىق ۇيىماردىڭ ءبىرىنىڭ مۇشەسى ەكەندىگى، ەميسسارلارىمەن تۇراقتى بايلانىستا بولعانى، سولاردىڭ نۇسقاۋىمەن قىرعىزستاندىقتاردى قاقتىعىس ايماعىنا بارۋعا ۇگىتتەۋمەن جانە سول جاققا جىبەرۋمەن اينالىسقانى انىقتالعان.

ي.ۋ. ءۇيىن ءتىنتۋ بارىسىندا بەلگىسىز حيميالىق زات تابىلىپ، ول توكسيكولوگيالىق ساراپتاماعا جىبەرىلدى. 

تەرگەۋ امالدارى كەزىندە «ي.ۋ.» ءوزىنىڭ تەررورلىق توپقا قاتىسى بارىن جانە ۇگىت-ناسيحات جۇمىستارىمەن اينالىسقانىن مويىنداعان جانە ۋلاۋشى زاتتاردىڭ قۇرامىن قايدان العانىن، اتاپ ايتقاندا، ولاردى دايىنداۋ تۋرالى نۇسقاۋلىقتىڭ حالىقارالىق تەررورلىق توپتىڭ شەتەلدەگى ورتالىقتارىنان كەلگەنىن ايتىپ بەرگەن.

كۇدىكتى قازىر قاماۋدا، جەدەل ىزدەستىرۋ جانە تەرگەۋ امالدارى باستالدى.

اباي-اقپارات