بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6240. قايتىس بولعاندار — 48
انىق 4520 0 پىكىر 22 قازان, 2015 ساعات 10:56

احمەتوۆ ءىسى: بلانكىلەر بوگدە ادامدارعا بەرىلگەن

ەرلان نىلدىباەۆ: فيرمالىق بلانكى وبلىس اكىمىنىڭ نۇسقاۋىمەن عانا بەرىلەدى

قاراعاندى وبلىسىن سەرىك احمەتوۆ باسقارعان جىلدارى رەسمي مەكەمەنىڭ فيرمالىق بلانكىلەرى بوگدە ادامدارعا بەرىلگەن. بۇل تۋرالى سەرىك احمەتوۆ پەن وبلىستىڭ بىرقاتار لاۋازىمدى شەنەۋنىكتەرىنىڭ قىلمىستىق ءىسى بويىنشا «كاناليزاتسيالىق تازالاۋ جۇيەسى» اتتى التىنشى ەپيزودتى قاراۋ كەزىندە سوتقا جاۋاپ بەرگەن كۋاگەرلەر اشىق ايتتى.

 21 قازان كۇنى سوتقا تۇسىنىك بەرگەن «مەتاللۋرگيا-مەتالل وڭدەۋ» يندۋستريالدىق پاركى» (بۇدان ءارى قىسقارتىلعان اتاۋى - مميپ) جشس-ءنىڭ بۇرىنعى قىزمەتكەرى دەميد سماگين قاراعاندى وبلىسىنىڭ اكىمى سەرىك احمەتوۆتىڭ قولى قويىلعان حات تەحنولوگيالىق قوندىرعىلاردى اۋىستىرۋ ماسەلەسىن قايتادان قاراۋعا نەگىز بولعانىن حابارلادى. 

«احمەتوۆتىڭ حاتى» بويىنشا سوتتا ەكى كۋاگەر ءسوز سويلەدى. وبلىستىق اكىمدىكتەگى قۇجات اينالىمىنا باقىلاۋ جاسايتىن ينسپەكتور ءمادينا تاۋىرباەۆا «مميپ» جشس-ءنىڭ ديرەكتورى اناتولي ەسسەگە فيرمالىق بلانكىنى ءوز قولىمەن بەرگەنىن ايتتى. ول كەزدە ءمادينا ءبولىمنىڭ باس مامانى جانار قوزباەۆا دەمالىستا بولعاندىقتان، بولمەدە جالعىز وتىرعانىن ەسىنە ءتۇسىردى. «بۇل وقيعا ءالى ەسىمدە. جانار دەمالىسقا شىعىپ كەتىپ، كابينەتتە جالعىز وتىرعان ەدىم. ءبىر ساتتە اناتولي ەريكۇلى، كىرىپ كەلدى دە فيرمالىق بلانكى بەرۋىمدى ءوتىندى. ول كىسىنى اكىمدىك عيماراتىنان ءجيى كورىپ جۇرەتىنمىن. 5 قاباتتاعى دەپۋتاتتىق بولمەنىڭ جانىندا كابينەتى دە بولدى. وعان قوسا ەسسە مىرزا وبلىس اكىمى وتكىزەتىن جينالىستاردان ءبىر قالمايتىن. ءوتىنىشىن ەستىگەن سوڭ، ءبولىم جەتەكشىسىنە تەلەفون سوعايىن دەپ جاتقان ەدىم، كەنەت كابينەتكە ەرلان مەكەجانۇلى نىلدىباەۆتىڭ ءوزى كىرىپ كەلدى. مەن وعان اناتولي ەريكۇلىنىڭ فيرمالىق بلانكى سۇراعانىن ايتىپ ەدىم: «جارايدى. بەرىڭىز» دەدى. وبلىس اكىمىنىڭ بلانكىسىن بەرىپ، ونى ارنايى جۋرنالعا تىركەدىم. سوڭىنان اناتولي ەريكۇلى قولىن قويدى» دەپ اڭگىمەلەدى ول. 

بىراق اكىمدىكتە 22 جىل جۇمىس ىستەگەن مامان «مميپ» جشس-ءنىڭ ديرەكتورىنىڭ اكىمدىكتىڭ تاڭباسى بار قۇجاتتى الۋعا قانداي قۇقىعى بارىن تۇسىندىرە المادى. حات بويىنشا سوتقا جاۋاپ بەرگەن ەكىنشى كۋاگەر – قاراعاندى وبلىسى اكىمى اپپاراتىنىڭ ءبولىم باسشىسى ەرلان نىلدىباەۆ ا.ەسسەنىڭ وبلىس اكىمىنىڭ نۇسقاۋىنسىز ەشقانداي بلانكى الۋعا مۇمكىندىگى جوقتىعىن مالىمدەدى. ونىڭ ايتۋىنشا، وبلىس اكىمىنىڭ فيرمالىق بلانكىلەرى قاتاڭ ەسەپكە الىنعان قۇجاتتار بولىپ سانالادى. ونىڭ ءار داناسى بەرىلگەن كەزدە ارنايى جۋرنالعا تىركەلىپ وتىرادى. جانە ونداي بلانكىنى قانداي دا ءبىر حات دايىندايتىن كەزدە اكىم اپپاراتىنىڭ قىزمەتكەرلەرى، ءبولىم باسشىلارى عانا الۋعا قۇقىلى. سەبەبى بلانكىلەر بوگدە ادامدارعا بەرىلمەيدى.

سوتتا پروكۋروردىڭ: «وبلىستىق اكىمدىكتىڭ قۇرىلىمدىق بولىمشەسى بولىپ تابىلمايتىن مەكەمە باسشىلارىنىڭ مۇنداي فيرمالىق بلانكىنى الۋعا قۇقىعى بار ما؟» دەگەن ساۋالىنا ە. نىلدىباەۆ: «فيرمالىق بلانكىلەر تەك باسشىلىقتىڭ تاپسىرماسى بويىنشا عانا بەرىلەدى» دەپ جاۋاپ بەردى. ول سوتقا دەيىنگى تەرگەۋگە بەرگەن جاۋابىندا مىناداي تۇسىنىك بەرگەن: «وبلىس اكىمىنىڭ مينيسترلىكتەر مەن ورتالىق مەملەكەتتىك ورگاندارعا جازعان حاتتارى مىندەتتى تۇردە تۇپنۇسقاسىمەن جانە قۇزىرەتتى ادامنىڭ قولىمەن جىبەرىلەدى. ونداي حاتتار فيرمالىق بلانكىگە جازىلعان جاعدايدا عانا تىركەلەدى. بەرىلگەن بلانكىلەردى تىركەيتىن جۋرنالدا 2011 جىلدىڭ 23 تامىزىندا 000368 ءنومىرلى فيرمالىق بلانكىنى ەسسەنىڭ العانى جازىلعان، ونى ءوزىنىڭ قويىلعان قولى راستايدى. مەن ونى وبلىس اكىمى س. ن. احمەتوۆتىڭ كەڭەسشىسى بولىپ ىستەيدى ەكەن دەپ ويلادىم. ا. ەسسە وبلىس اكىمى س. احمەتوۆتىڭ نۇسقاۋىنسىز ءوز ەركىمەن ونداي بلانكىنى الا المايدى. ەگەر اكىمنىڭ ءوزى قۇرىلىس ىستەرى جونىندەگى اگەنتتىككە حات دايىنداۋدى تاپسىرماسا، ەشكىم ونداي حاتتى جازبايتىن ەدى عوي».

سوت وتىرىسىندا كۋاگەر سول جولعى جاۋابىن تاعى راستادى.

ءامينا باكىر

Abai.kz  

0 پىكىر