دوستوەۆسكي جانە تولستوي... ءبىر زاماندا تۋعان، ءبىر ەلدە تۇرعان عۇلامالار... اعىلشىن ءرومانيستى سنوۋ "بۇگىنگى مىقتىمىن دەپ جۇرگەن ادەبيەتشىلەر قوس الىپتىڭ اياعىن سۇرتۋگە جارامايدى" دەپ باعا بەرگەن بولاتىن كەزىندە...
سول سنوۋ ايتقانداي، كلاسسيكالىق تۋىندىلارى ءالى دە تالايدى مىڭ ورايتىن قوس تارلان ءبىرىن-ءبىرى مويىنداعان، قۇرمەت تۇتقان، جاقسى كورگەن، قوعام مەن ادەبيەت توڭىرەگىندە قىزۋ پىكىر تالاستىرعان، ءتىپتى كەرەك كەزىندە ءبىرىن-ءبىرى سىناپ تا جىبەرگەن... بىراق، تەك قانا قاعاز جۇزىندە... حات ارقىلى عانا... تالاي رەت كەزدەسۋدىڭ ءساتى ءتۇستى... ءبىر قالادا ءجۇردى... بىراق، ەكەۋى دە جۇزدەسۋدەن قاشقاقتادى، ەمەن-جارقىن اڭگىمە-دۇكەن قۇرۋعا جۇرەكتەرى داۋالامادى... اقىرى كەزدەسپەي كەتتى... بالكىم، ەكەۋارا سىيلاستىق پەن اسقان قۇرمەتتىڭ بيىك دەڭگەيىندە ساقتالىپ قالعاندىعى وففلاين-كەزدەسۋدىڭ بولماۋىندا شىعار... سوسىن ارينە، ەكى الىپتىڭ ءدىني كوزقاراستارى سايكەس كەلمەدى عوي... ورىس ادەبيەتىنىڭ قوس پاتريارحى بۇل ماسەلەدە ەكىتۇرلى تانىم ۇستانعاندىقتان، كەلىسپەي قالارمىز دەپ قورىققان بولار. مۇمكىن ءبىر-ءبىرىنىڭ كەي جاعىمسىز قىلىقتارىن بايقاپ قالىپ، اينىپ، دوستىعىمىزعا سىزات تۇسەر دەپ جۇرەكسىنگەن بولار... مەنىڭ ويىمشا، سول كەزدەسپەۋدەن ەكەۋ ۇتىلعان جوق سەكىلدى. ءبىر-بىرىنە دەگەن اياۋلى قارىم-قاتىناستى وسىلايشا قادىرلەي بىلگەندىكتەن، ەكى الىپ ءبىرىنىڭ الدىندا ءبىرى قۇلاماي، بيىك تۇعىرىندا مىزعىماستاي بوپ كەتتى... 
ايتپاعىم، وسىندا وتىرعان كەيبىر ىنىلەرىم بار...بولاشاعىنان ءۇمىت كۇتەم... كەيدە ساياسي كوزقاراستارىمىز كەلىسپەي جاتادى... اتىمىزدى اتاماي، ءتۇسىمىزدى تۇستەمەي سىناپ جىبەرىپ جاتامىز، سونى رەنىش تۇتپاي، ءزىل قۋماي، كەي بولەك ماسەلەدە لايكتاتىپ وتىرامىز... ءبىر-بىرىمىزگە ەشتەڭە جازبايمىز، ايتپايمىز، اركىم ءوز پىكىرىندە قالادى، بىراق ىشتەي ۇعىنىسا قويامىز... ال ارپىلداعان تاعى بىرەۋلەر بار... بىردەڭە دەي قويساڭ ءبىتتى، ءنومىرى ءبىرىنشى جاۋىنا اينالاسىڭ، قاعىتىپ، تىلىمەن قاجاپ، وزىمەن-ءوزى ولەرمەن بوپ وتىرعانى سول... كورگەن كەزدە قاعىپ وتەتىنىن قايتەرسىز!!! تۋرا وسىنداي ساتتە، الگى ەكى مىقتىنىڭ عۇمىرلىق سىيلاستىعىن ساقتاپ قالعان "پيسمەننىي دوستىق" ەسكە تۇسەدى ەكەن... ءيا-ءيا... كەي ادامداردى تەك قانا ونلايندا كورگىم كەلەدى... وففلايندا وكىنىپ قالماس ءۇشىن...

دينا تولەكوۆا

Facebook-تەگى پاراقشاسىنان