ساياسيسىماق پىكىر ءبىلدىرۋدى اسا ۇناتپايمىن. الايدا وسى فب اۋىلىنداعى سەندەلگەن سويلەمدەر مەن سەنىمسىزدەۋ جازبالار جازباسقا جول بەرمەيدى. سەبەبى مينۋت سايىن ءار ءتۇرلى وقيعالارعا قاتىستى ءار تاراپتان بىقسىپ جانىپ جاتقان پوستتار تولىق كارتينانى كورسەتە الماي وتىرعان سەكىلدى.

اناۋ - انانى، مىناۋ - مىنانى ايتادى. ءبارى اقىلدى... ءبارى دانىشپان! قوش. ونىڭ ماسەلەسى مىنادا جاتقان شىعار. فەيسبۋك جارىقتىعىڭىز ءدال قازىر توپ-توپقا ءبولىنىپ شاپقىلاعانداردىڭ الا شاڭعا تولى الاڭىنا اينالىپ وتىر.

وسىندا بىرنەشە توپ بار.

ءبىرىنشىسى - وزدەرىن دەنى ءتۇزۋ دەموكراتتارمىز دەپ ەسەپتەپ، اقش ساياساتىن جاقتايتىن، ادىلەت جارشىسىمىن دەپ، رەسەي ارەكەتىن داتتايتىن، جەرگىلىكتى بيلىكتى جەردەن الىپ، جەرگە سالىپ جاماندايتىن توپ. ودان نە تابادى؟ كوزدەگەندەرى نە نارە؟! "مۇمكىن مەن تۇسىنبەي جۇرگەن شىعارمىن، شىنىمەن ەلگە جانى اشيتىن مەملەكتەتشىلدىك سانا ما؟" دەپ سانامالاساڭ، ول دا ەمەس. قاراپ وتىرساڭ، ەلدى دۇرلىكتىرۋ سياقتى كورىنەدى. وسىلار قازاق ەلىنىڭ، ءوز شاڭىراعىمىزدىڭ قازىرگى ساياسي جاعدايى قانداي ەكەنىن تولىق تۇسىنە مە ەكەن؟! بىزگە ەشكىمدى جامانداماي، ءمان-جايدى ءتۇسىندىرىپ بەرە الا ما؟! ناقتى قانداي ساراپتامالارى بار؟! بيلىككە ەسى دۇرىس ءبىر باعدارلاما ۇسىندى ما؟! ءاي، قايدام... بىلمەدىم. "اتىڭ شىقپاسا جەر ورتە".

ەكىنشى دەپ ەسەپتەيتىن تاعى ءبىر توپ بار. رەسەيشىل توپ. ولاردىڭ ويىنشا، ورىسسىز كۇنىمىز قاراڭ ەكەن. ولارعا ارقا سۇيەۋىمىز كەرەك. تاعىسىن تاعىلار... عاسىرلار بويى ۇلتتىق رۋحىمىزدى، ەلىمىزدى، جەرىمىزدى مادەنيەتتى تۇردە قاناپ، ارىستارىمىزدى اتىپ، ارمانىمىزدى تاپتاپ، ساياسي باسىنىپ كەلە جاتقان ەلگە سونشا نەگە ەسىمىز كەتىپ، ەمىرەنەمىز؟! اقش-تى قارعاپ، قارالاپ، قازاق بيلىگىن ءتىپتى مويىنداعىسى كەلمەيتىندەرى دە بار "اقىلدى" توپ. بۇلار دا تۇسىنىكسىز. قازاقستان - ءبىزدىڭ ورتاق ۇلكەن ءۇيىمىز. ءۇيدىڭ بەرەكەسىن، بولاشاعىن ويلاي ما ەكەن؟! نە سەبەپتەن بۇگەجەكتەي بەرەمىز؟ ناقتى مىسالدارمەن ءوز ەلىمىزدىڭ باعىتىن انىقتاپ بەرە الا ما؟! ناقتى ۇسىنىستار ايتىپ جاتقاندارى دا جوق. وسى جالپاقشەشەيلىگىمىزدەن كوپ جەردە ەسەمىز كەتىپ جاتقان جوق پا؟! الدە....

ءۇشىنشى توپ - تۇرىكشىل توپ. بۇلار دا سول اقش-تى اۋليە كورەدى. ولاردىڭ ويىنشا تۇركيانىڭ ءتۇتىنى ءتۇزۋ. رەسەيدىڭ رەڭى سولعىن. كىم كورىنگەننىڭ ارتىنان كۇڭكىلدەپ وتىرادى. ءوز ەلىن، ءوز قازاعىن ەستەن شىعارىپ العان جوق پا؟! ماقساتى نە ەكەن؟! ونىڭ دا تۇبىنە جەتە المايسىڭ.

تاعى ءبىر ەڭ ءبىر قورقىنىشتى ءتورتىنشى توپ بار. اسىرە ارابشىل توپ. قۇداي ساقتاسىن، وزدەرىنىڭ اشىعى بار، جاسىرىنى بار... وتە كوپ. سالا قۇلاش ساقال ءوسىرىپ، بالاعىن شولتيتقان ءدىن بۇزارلار. جاراتقان جار بولسىن، ايتەۋىر! ولار ءۇشىن مەملەكەت دەگەن ۇعىم دورەكى، ۇلت، ءتىل، سالت-ءداستۇرىڭىز - بەس تيىن. ۋاعىزىن ورىسشا، قىتايشا، اعىلشىنشا، ارابشا ايتىپ جۇرە بەرەدى. كىمنىڭ تارىسى بار، سونىڭ تاۋىعى. بۇلاردىڭ ىشىندەگى وقىعان، جۇرگەن، كورگەن كوزى اشىق دەگەندەرىنىڭ دەنى ءبارىبىر ولە-ولگەنشە ارابتاردى سۇيەدى. اۋەلى جاراتۋشىنى، ودان سوڭ ءوزى جارالىپ وسكەن ورتاسى، اتا-باباسى، ەلىن-جەرىن سۇيمەي مە، ءتايىرى؟! قازاقپەن قاتىسى بارى بىرەڭ-ساراڭ. بالكىم، وسىلاردىڭ ۇستانىمى دۇرىس شىعار؟))) ەندى اقىلى بار ادامعا ول دا مۇمكىن ەمەس!

بەسىنشى توپ - ۇلتشىل توپ. ۇلتشىل بولعان جاقسى عوي. ۇلتشىلدىقتى ۇرانداماي، ىسپەن كورسەتۋ كەرەك قوي. راس. ۇرانشىل. ۇر دا جىق. اۋىزبەن اڭىراتقاندا، الدىنا جان سالمايدى. سوزدەرىن تىڭداپ، جازعاندارىن وقىپ وتىرساڭ، "اپىر-اي، ءا!" "راس ي!" دەپ سۇيسىنەسىڭ. سودان كەيىن ناقتى ىسكە شاقىرساڭ، قاراسىن كورە الماي، ءىزىن سيپالاپ قالاسىڭ.)) ارينە، كوپكە توپىراق شاشۋدان اۋلاقپىن. 1% داي بار.))

قازاق ەلىندە جاسالىپ جاتقان، جاسالماي جاتقان ىستەر وتە كوپ. اناعان ءبىر، مىناعان ءبىر جالتاقتاپ، دالبالاقتاپ، دالاقتاماي ءار سالادا ناقتى قازاققا، مەملەكەتكە پايدالى ىسپەن اينالىسۋ كەرەك. بيلىكتەن ءار نارسەنى ناقتى، ساۋاتتى تۇردە تالاپ ەتىپ، جۇدىرىقتاي جۇمىلىپ، ءار ازامات ەلدىڭ قامىن ويلاپ، سويلەپ، ارەكەت ەتۋ كەرەك قوي... سولاي ەمەس پە؟!

سونىمەن نە بولىپ كەتتى؟!)) ءسىز قاي توپتاسىز؟! ءسىز ءوز شاڭىراعىڭىزدى ويلايتىن توپتا بولاتىن شىعارسىز؟ ء"بىرىڭدى، قازاق، ءبىرىڭ دوس كورمەسەڭ، ءىستىڭ ءبارى بوس"

اباي بولايىقشى.

باۋىرجان قاراعىزۇلى

Facebook-تەگى پاراقشاسىنان