جەكسەنبى, 14 شىلدە 2024
جاڭالىقتار 4876 0 پىكىر 1 قازان, 2015 ساعات 11:31

رەسەيدىڭ سيرياعا جاساعان سوققىسىنا اقش پىكىر ءبىلدىردى

اقش قورعانىس ءمينيسترى ەشتون كارتەر رەسەيدىڭ ارەكەتى "سيرياداعى ازاماتتىق سوعىس وتىنا ماي قۇيعانمەن بىردەي" دەپ مالىمدەدى.

ونىڭ پىكىرىنشە، رەسەي "يسلام مەملەكەتى" (يم) ەكسترەميستىك توبىنا ەمەس پرەزيدەنت باشار اسادتىڭ قارسىلاستارىنا سوققى بەرىپ جاتىر. ول بۇل جونىندە سارسەنبى كۇنى پەنتاگوندا ارنايى وتكىزگەن ءباسپاسوز بريفينگتە مالىمدەدى.  

الدىن رف قورعانىس مينيسترلىگىنىڭ وكىلى گەنەرال-مايور يگور كوناشەنكوۆ سوققى سيريا اراب رەسپۋبليكاسى اۋماعىنداعى يم ورنالاسقان جەرگە بەرىلدى دەگەن بولاتىن. 

بىراق سيريالىق وپپوزيتسيا اۋە سوققىسى بەرىلگەن جەردە يم نەمەسە ءال-قايدا وكىلدەرى بولماعان. سيريا ۇلتتىق كواليتسياسىنىڭ وكىلى حاليد قوجانىڭ ايتۋىنشا، سولتۇستىك حومستا تەك بەيبىت تۇرعىندار تۇرادى. بۇل اقپاراتتى Reuters اگەنتتىگىنە 2012 جىلى سيريا اسكەرىنەن ءوز ەركىمەن قىزمەتىنەن كەتكەن جاميل ءال-سالەح تە راستادى. ونىڭ سوزىنشە، حومس ەلدى مەكەنىنىڭ سولتۇستىك بولىگىندە يم ورنالاسپاعان.  

سيريانى باقىلاۋشى توپتىڭ ايتۋىنشا، بومبالانعان جەردە ونداعان بەيبىت تۇرعىندار قايتىس بولعان.

اقش قورعانىس ءمينيسترى رەسەيلىك ارىپتەسى سەرگەي شويگۋمەن تاياۋ كۇندەرى ەكسپەرتتەر دەڭگەيىندە كەڭەسۋ وتكىزۋ جونىندە كەلىسىمگە كەلگەنىن ايتتى.

اباي-اقپارات

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1197
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1870
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1923