ارال تەڭىزىنىڭ جويىلۋى ءبىزدىڭ وڭىرگە عانا ەمەس، بۇكىل الەمگە قاۋىپتى. بۇل تۋرالى قر پرەزيدەنتى نۇرسۇلتان نازارباەۆ بۇۇ-نىڭ نيۋ-يوركتە ءوتىپ جاتقان سامميتتە ايتتى، - دەپ حابارلايدى اقوردانىڭ ءباسپاسوز قىزمەتى.

قازاقستان پرەزيدەنتى رەسپۋبليكامىزدىڭ پارنيك گازىنىڭ زيانىن ازايتىپ، عالامشارىمىزدىڭ بيولوگيالىق الۋان تۇرلىلىگىن ساقتاپ قالۋعا جاعداي جاساپ وتىرعانىن ەرەكشە اتاپ ءوتتى. ء"بىز "جاسىل" ەكونوميكاعا ءوتۋ بويىنشا ۇلتتىق كونتسەپتسيانى بەكىتتىك. ارال تەڭىزىنىڭ جويىلۋى پروبلەماسى ءبىزدىڭ وڭىرگە عانا ەمەس، بۇكىل الەمگە قاۋىپتى. ونىڭ قۇرعاۋىنىڭ سالدارىنان جەل جىلىنا شاڭ مەن ۋلى تۇزدىڭ 75 ميلليون تونناسىن اۋاعا كوتەرەدى. بۇلار ەۋروپا مەن انتاركتيدادا انىقتالىپ وتىر", - دەدى نۇرسۇلتان نازارباەۆ.

سونىمەن قاتار، ەلباسى دۇنيەجۇزىلىك بانكتىڭ قولداۋىمەن ارال تەڭىزىنىڭ سولتۇستىك بولىگىنىڭ قالپىنا كەلتىرىلگەنىن ايتتى. ونىڭ ايتۋىنشا، بۇرىنعى سەمەي پوليگونىنىڭ ايماعىن قالپىنا كەلتىرۋ بويىنشا بۇۇ-مەن جانە حالىقارالىق قوعامداستىقپەن بەلسەندى ارىپتەستىك ورناتىلعان. "ورتالىق ازيا ەلدەرى وڭىردەگى وسى اتالعان ەكولوگيالىق پروبلەمالارمەن كۇرەس ءۇشىن كومەك كۇتەدى", - دەدى مەملەكەت باسشىسى.

اباي-اقپارات