شىمكەنت ءموز الاڭىندا «سامۇرىق-قازىنا» اق باسشىسى ومىرزاق شوكەەۆتىڭ توراعالىق ەتۋىمەن «قازمۇنايگاز – قايتا وڭدەۋ جانە ماركەتينگ» اق (قمگ قوم) ترانسفورماتسيا باعدارلاماسى بويىنشا كەڭەيتىلگەن جيىن ءوتتى. جيىنعا قمگ-قوم باس ديرەكتورى دارحان تيەسوۆ، «پەتروقازاقستان ويل پروداكتس» باسشىلىعى، «قمگ گلوبال سوليۋشنس ب.ۆ.» جشكف وكىلدەرى قاتىستى دەپ حابارلايدى «سامۇرىق-قازىنا» ءباسپاسوز قىزمەتى.

د.تيەسوۆ ترانسفورماتسيا باعدارلاماسىن جۇزەگە اسىرۋ بويىنشا قمگ-قوم- دايىندىعى تۋرالى حابارلادى. ء«بىزدىڭ مىندەتىمىز – «سامۇرىق-قازىنا» ءادىسناماسىن باسشىلىققا الا وتىرىپ، باستالعان بارلىق ترانسفورماتسيالىق ۇدەرىستەردى قيسىندى اياعىنا دەيىن جەتكىزۋ. سونىمەن قاتار قمگ-قوم ترانسفورماتسيا باعدارلاماسىن بەكىتىپ، ناقتى تۇزىلگەن بيزنەس-پروتسەسى، زاۋىتتاردا دا، كورپوراتيۆتى ورتالىقتىڭ وزىندە دە جۇيەلەنگەن تۇسىنىكتى باسقارۋ قۇرىلىمى، الەمدىك دەڭگەيدەگى دامىعان ججب بولشەك جەلىسى بار، ەۋروستاندارتتارعا ساي مۇناي ونىمدەرىن شىعاراتىن الەمدىك ءموز دەڭگەيىنە جەتۋ»، - دەدى د.تيەسوۆ.

جينالىس اياسىندا قاتىسۋشىلارعا قمگ-قوم دامۋىنىڭ نەگىزگى جوبالارى تۋرالى اقپارات تانىستىرىلدى. ولاردىڭ ءبىرى – مۇناي ونىمدەرى نارىعىنداعى تۇراقتىلىقتىڭ ساقتالىپ تۇرۋى ءۇشىن قاجەت ديسپەتچەر ورتالىعى. ول ءار ءموز-دەگى مۇنايدىڭ جەتكىزىلۋ جانە قايتا وڭدەلۋ كولەمى، مۇناي ونىمدەرىنىڭ يمپورتى، مۇناي ونىمدەرىنىڭ قورى، ججب-دەردەگى جەتكىزۋ جانە بولشەك ساۋدا كولەمى تۋرالى كۇندەلىكتى اقپارات جيناپ، ونى وڭدەپ وتىرادى.

ترانسفورماتسيانىڭ تاعى ءبىر باعىتى – «قازمۇنايگاز» برەندىن، مۇناي ونىمدەرىن جەتكىزۋ مەن ساپا ستاندارتتارىن ساقتاي وتىرىپ جەكە مەنشىككە ججب-لەردى بەرۋ. قازىرگى ۋاقىتتا «قازمۇنايگاز» جەلىسىنىڭ 324 ججب-ءسىنىڭ 143-ءى جەكە مەنشىككە باسقارۋعا بەرىلگەن. بۇل جاعدايدا باسىمدىق شاعىن جانە ورتا بيزنەس وكىلدەرىنە بەرىلىپ وتىر. 

باعدارلامانىڭ نەگىزگى باسىم باعىتتارى – شىعىنداردى ازايتۋ، سەرىكتەستەردىڭ باسقارۋىنداعى ججب-لەردەگى ساۋدا كولەمىن ۇلعايتۋ جانە كومپانيا قىزمەتىنىڭ ايقىندىعىن ارتتىرۋ. بولاشاقتا فرانچايزينگ سحەماسىن ەنگىزۋ، ياعني «قازمۇنايگاز» برەندىمەن جەكە جانار-جاعارماي بەكەتتەرىن جۇمىسقا تارتۋ جوسپارلانۋدا.

مۇناي وڭدەۋ زاۋىتتارىندا قۇرال-جابدىقتاردى مودەرنيزاتسيالاۋمەن قاتار بيزنەس-پروتسەستەردىڭ رەينجينيرينگ باعدارلاماسى دا ىسكە قوسىلدى. باعدارلامانىڭ ءمانى – نەگىزگى ءوندىرىستى قالدىرىپ، وزگە ۇدەرىستەردى باسەكەلەىك ورتاعا شىعارۋ. سونىمەن قاتار ءموز-دە زاماناۋي تەحنولوگيالار ەنگىزىلىپ، ونىمدەردىڭ جاڭا تۇرلەرى جارىققا شىعۋعا دايىندالۋ ۇستىندە.

جينالىستى قورىتا كەلە ءو.شوكەەۆ قمگ-قوم ترانسفورماتسيا ۇدەرىسىنىڭ بارىنشا قارقىندى ءجۇرىپ جاتقانىن جانە اتالعان ترانسفورماتسيا تاجىريبەسىنىڭ بارلىق مەملەكەتتىك قور كومپانيالار توبى ءۇشىن قۇندىلىققا يە بولاتىنىن اتاپ ءوتتى.

اباي-اقپارات