بۇل كەزدەسۋ امەريكالىقتار مەن رەسەيلىك تاراپ وكىلدەرى قورشاۋداعى الەپپو قالاسىنداعى بەيبىت تۇرعىندار تۇراتىن اۋدانداردى بومبالاۋعا قاتىستى ءبىر-ءبىرىن ايىپتاپ جاتقان جاعدايدا وتۋدە.

رەسەي وق اتۋدى ناۋرىزدىڭ بىرىنەن باستاپ توقتاتۋدى ۇسىنادى، بىراق ۆاشينگتون بۇل مەرزىم ماسكەۋ مەن سيريالىق بيلىككە كوتەرىلىسشىلەردى باسىپ-جانشۋ ءۇشىن تاعى ءۇش اپتا مۇمكىندىك بەرەدى دەپ سانايدى. اقش وق اتۋدى دەرەۋ توقتاتۋدى تالاپ ەتەدى.

ميۋنحەندەگى كەزدەسۋ الدىندا كەرري قانداي دا ءبىر كەلىسىمگە كەلۋ مۇمكىندىگى تۋرالى بولجام جاساۋدان باس تارتقان ەدى. ء"بىز سيرياعا قاتىستى وتە بايسالدى كەلىسسوزدەر وتكىزەمىز، –دەدى ول. – ءبىزدىڭ گۋمانيتارلىق كومەك جەتكىزۋ مەن وق اتۋدى توقتاتۋدى كوزدەيتىنىمىز بەلگىلى. ءبىز قاقتىعىستىڭ بارلىق بولىگى تۋرالى سويلەسەمىز".

لاۆروۆ رەسەيدىڭ "ناقتى" ۇسىنىس جاساپ قويعانىن جانە ونى 20 ەلدەن تۇراتىن سيريانى قولداۋ حالىقارالىق توبىنا تانىستىرار الدىندا امەريكالىقتاردىڭ «جاۋابىن» كۇتەتىندەرىن ايتتى.

اباي-اقپارات