الەمنىڭ 178 ەلىن قامتىعان رەيتينگتە وزبەكستان 166-شى ورىنعا جايعاسقان. وزبەكتاننىڭ الدىندا كيريباتي (165), چاد (164), كونگو (163), ۋكراينا (162) جانە تۇركىمەنستان (174) سەكىلدى ەلدەر تۇر.

الدىڭعى رەيتينگپەن سالىستىرعاندا وزبەكستاننىڭ كورسەتكىشتەرى ناشارلاپ، 160-شى ورىننان 6 ساتى تومەن تۇسكەن. ەلدىڭ جالپى باعاسى 47 دەن 46 بولىككە تومەندەدى. قور وزبەكستاندى «ەكونوميكاسى رەپرەسسيۆتى» دەيتىن ەلدەر تىزىمىنە قوسقان. بىلتىرعى رەيتينگ بويىنشا دا ەل وسى توپتا بولعان ەدى.

رەيتينگتى قۇراستىرۋشىلار ەلدەگى سوت بيلىگى پرەزيدەنتكە باعىنىشتى ەكەنىن، سوت ىستەرىنىڭ حالىقارالىق تالاپتارعا ساي وتپەيتىنىن، ىقپالدى تۇلعالاردىڭ تەرىس ىستەرى ءۇشىن جازاسىز قالاتىنىن جازادى. مەملەكەتتىڭ قارجى سالاسىنا ءجون-جوسىقسىز ارالاساتىنى دا ەسكەرىلگەن.

وزبەكستان مەن تۇركىمەنستاننان وزگە ورتالىق ازيا رەسپۋبليكالارى «رەپرەسسيۆتى ەكونوميكا» تىزىمىنە ەنبەدى. تاجىكستان قور رەيتينگىندە 149-شى، قازاقستان – 68, ال قىرعىزستان – 96-شى ورىندا تۇر.

اباي-اقپارات