قايعىلى وقيعا 22 قاڭتاردا ورىن العان. 15 جاستاعى №82 ورتا مەكتەپتىڭ وقۋشىسى رۋستام كوسيموۆ دارعا اسىلىپ قالعان.

بەلگىلى بولعانداي، بالانىڭ ولىمىنە مەكتەپ اكىمدىگى جارتىلاي سەبەپشى بولعان. مەكتەپتەگى تەكسەرۋ «جوعارعى جاقتان» جاقسى ءوتۋ ءۇشىن، مەكتەپ ديرەكتورى زاميرا ۋسمانوۆا مۇعالىمدەردەن اقشا جينايدى. مەكتەپتە مۇعالىم بولىپ ىستەيتىن رۋستامنىڭ اناسى دا اقشا بەرگەن. سول ءۇشىن رۋستامنىڭ اكەسى اناسىن قاتتى سوققىعا جىققان. بالا اناسىن قۇتقارماق بولىپ، كورشى ۇيگە ۇرلىققا تۇسەدى. كەيىن رۋستامنىڭ ءىسى اشكەرە بولعاندا، ول وزىنە قول جۇمساعان، - دەيدى مەكتەپ مۇعالىمدەرى. 

كەيىن بەلگىلى بولعانداي، رۋستام كوسيموۆ تىنىس دەمىكپەسى اۋرۋىمەن اۋىرعان. ساباق ۇلگەرىمى ناشار بولعان.

سامارقاند وبلىستىق پروكۋراتۋرانىڭ كامەلەتتىك جاسقا تولماعاندارمەن جۇمىس ىستەۋ كوميسسياسى ءجاسوسپىرىم اراسىندا ءسۋيتسيدتىڭ وسكەنىن ايتادى. 

پاستدارگام اۋىلىندا وزىنە قول جۇمساعان تەك رۋستام كوسيموۆ ەمەس. وتكەن جىلدىڭ قازان ايىندا 7 سىنىپ وقۋشىسى سوحيبا تۋريموۆا دا وزىنە قول جۇمساعان.