قازاقستان رەسپۋبليكاسى

پرەزيدەنتى اكىمشىلىگىنىڭ

باسشىسى ن.ز.نىعماتۋلينگە!

قۇرمەتتى نۇرلان زايروللاۇلى!

ءوزىڭىز جاقسى بىلەسىز، الەمدەگى بار قازاقتىڭ جالعىز وتانى – قازاقستان!

كەشەلى بەرى قانداس باۋىرلارىڭىز سىزگە حات جازىپ، الىستان ورالعان اعايىنداردان دا كەلەسى شاقىرىلىمدا ءماجىلىس دەپۋتاتى بولسا ەكەن دەگەن وتىنىشتەرىن ايتىپ جاتىر ەكەن. ەگەر، بۇل يگى ءىس ورىندالاتىن بولسا، نۇر ۇستىنە نۇر ەمەس پە؟! سوعان بايلانىستى، ءبىز دە ءوز تىلەگىمىزدى جەتكىزگەندى قۇپ سانادىق. قازاقستانىم، اتامەكەنىم دەپ كەلگەن قانداس باۋىرلارىمىز دا مەملەكەت شارۋاسىنا ارالاسىپ، جۇرتىنا پايدالى ىستەر تىندىرسا، شىن مانىندەگى حالىق قالاۋلىسى اتانسا، الاش ابىرويى تاعى ءبىر اسقاقتاي تۇسەر ەدى دەپ ويلايمىز. "الاش" دەمەكشى، كەزىندەگى الاش ارداگەرلەرى حالقى ءۇشىن ۇشان-تەڭىز تىرلىكتەر اتقارىپ كەتكەنىن بىلەسىز. سول سەكىلدى، قازاقستانىمىزعا ورالعان قالامگەرلەر مەن عالىمدار، سپورتشىلار مەن  كاسىپكەرلەر، تاعى باسقا دا قوعام ىسىندە بەلسەندىلىك تانىتىپ جۇرگەن باۋىرلارىمىزدىڭ دەپۋتات مانداتىنا يە بولا وتىرىپ، قۇرمەتتى اتتى ابىرويمەن الىپ جۇرەتىندىكتەرىن كامىل سەنەمىز.

سوندىقتان دا، سىزگە شەتتەن كەلگەن اعايىندارىمىزدىڭ اراسىنان دا ءۇش-ءتورت دەپۋتات بولسا ەكەن دەگەن تىلەگىمىزدى جەتكىزگىمىز كەلەدى.

قۇرمەتپەن،

رەسپۋبليكالىق «مارتەبەلى ماماندىق» جۋرنالىنىڭ باس رەداكتورى ش.ءامىرجان،

رەسپۋبليكالىق «ساقشى» گازەتىنىڭ ءجۋرناليسى ع.عالىمبەكۇلى،

رەسپۋبليكالىق «شوقىر» سپورتتىق جۋرنالىنىڭ باس رەداكتورى ب.سەگىزباەۆ،

تاۋەلسىز جۋرناليست ەركەعالي بەيسەنوۆ.