«قىتاي ءتىلىن بىلمەيتىن ءھام جەتىك مەڭگەرمەگەن جۇمىسشىلار ءوز قىزمەتتەرىندە جوعارىلاۋ مۇمكىندىگىنەن ايىرىلىپ وتىر. تىپتەن، كومپانيادان شىعىپ قالۋ قاۋپى تونگەن. ال ەگەر قىتايدىڭ كونە ءتىلىن وقىماي كەلگەن جاعدايدا تانىس پەن بەلگىلى ءبىر سوماداعى قاراجات ارقىلى عانا جۇمىسقا ورنالاسۋعا بولادى»، — دەپ جازادى «اقتوبە تايمس» «سنپس-اقتوبەمۇنايگاز»-داعى باسسىزدىقتى اشكەرەلەپ. بۇل جونىندە «اقتوبە تايمسقا» سىلتەمە جاساي وتىرىپ «ۇلت پورتالى» حابارلادى.

«سنپس-اقتوبەمۇنايگاز» كومپانياسىنىڭ جەتەكشىلەرى ءوزىنىڭ جاڭا زاڭدارىمەن جۇمىسشىلارىن سارساڭعا سالىپ، ولاردىڭ اشۋى مەن قارسىلىعىن تۋدىرىپ وتىر. بۇل قۇجاتتار قازاقستاندىقتاردىڭ ەڭبەك قۇقىقتارىن شەكتەيدى جانە تىلدىك ديسكريميناتسيانىڭ اشىق تۇردە كورىنىس بەرۋى بولىپ ەسەپتەلەدى. بۇعان دەيىن كومپانيا باسشىلارى ««سنپس-اقتوبەمۇنايگازدا» جۇمىس جاسايتىن قىزمەتكەرلەردىڭ 75% — نادان، ءبىلىمسىز جانە جالقاۋ» دەگەن مالىمدەمە جاساعان بولاتىن.
كومپانيا پرەزيدەنتى ۆان تسزيۋنجەننىڭ اۋزىنان شىققان بۇل اڭگىمە وسى جىلدىڭ تامىز ايىنان بەرى جالعاسىپ كەلەدى. بارلىق جۇمىسشى قىتاي ءتىلىن بىلۋگە جانە ونى كۇن وتكەن سايىن جەتىلدىرىپ وتىرۋعا مىندەتتى بولىپ شىقتى. ونىمەن قوسا، بايعۇس قازاقتاردىڭ 6 ايدا ءبىر رەت مىندەتتى تۇردە سول تىلدەن ەمتيحان تاپسىرۋى كەرەك ەكەن.

ء«وز جەرىمىزدە ءجۇرىپ وزگەگە جەم بولعانىمىزبەن قوسا، سول ۇلتتىڭ ءتىلى مەن ءداستۇرىن قابىلداۋعا ءماجبۇر بولىپ قالعانىمىز سۇمدىق ەمەس پە؟! كەشە ورىستىڭ «كرەششەنيەسىندە» سۋعا ءتۇسىپ، شوقىنۋدى ۇيرەنسەك، بۇگىن قىتايدىڭ «يەروگليفتەرىن» جاتتاپ ءجۇرمىز…» دەيدى «ۇلت پورتالى» (http://ult.kz/?p=13350)
Abai.kz