پاريج تەراكتىسىنە قاتىسى بار بەلگيالىق ۇستالدى
ماروككو بيلىگى پاريجدە قاراشا ايىندا بولعان تەراكتىگە تىكەلەي قاتىسى بار تەگى ماروككالىق بەلگيا ازاماتىنىڭ ۇستالعانىن حابارلادى.
ەلدىڭ ىشكى ىستەر مينيسترلىگىنىڭ مالىمدەمەسىندە ول 15 قاڭتاردا كاسابلانكىدە تۇتقىندالعانى ايتىلادى. ول سيرياعا بارىپ، ءوزى قاتارىنا كىرگەن «يسلام مەملەكەتى» ەكسترەميستىك توبىندا بولعاندىعى دا حابارلانعان.
13 قاراشادا پاريجدە بولعان تەراكتىدەن 130 ادام قازا تاۋىپ، 350-ءى جارالانعان. جەتى تەرروريست ولتىرىلگەن. پوليتسيا ءالى كۇنگە دەيىن ولاردىڭ سىبايلاستارىن ىزدەپ جاتىر. شابۋىلعا جاۋاپكەرشىلىكتى «يسلام مەملەكەتى» توبى الدى. پاريجدەگى قانتوگىستەن كەيىن، فرانسۋز جويقىن ۇشاعى سيرياداعى يم ايماعىنا اۋە شابۋىلدارىن باستادى.
اباي-اقپارات
