قىرعىزدار رەسەيدە ءبىر اي عانا تىركەۋسىز جۇرە الاتىن بولدى
قىرعىزستان ازاماتتارى رەسەي اۋماعىندا بۇدان بىلاي تىركەۋسىز 30 كۇن عانا جۇرە الادى.
بۇرىن ونداي مەرزىم 90 كۇنگە تەڭ ەدى. بۇل تۋرالى قىرعىزستاننىڭ مەملەكەتتىك تىركەۋ قىزمەتىنىڭ وكىلى حابارلادى.
ءباسپاسوز قىزمەتىنىڭ دەرەگىنشە، 2015 جىلى ماۋسىمنىڭ 19-دا قول قويىلعان رەسەي مەن قىرعىزستان اراسىنداعى ازاماتتاردىڭ ەكى ەل اۋماعىندا ءجۇرىپ-تۇرۋ ءتارتىبى تۋرالى كەلىسىمگە سايكەس تىركەۋسىز ءجۇرۋ مەرزىمى 90 كۇننەن 30 كۇنگە قىسقاردى. سوعان سايكەس رف ازاماتتارى دا قىرعىزستان اۋماعىندا تىركەۋسىز 30 كۇن جۇرە الادى.
اباي-اقپارات
