ەلدىڭ ينۆەستيتسيالار مەن دامۋ جونىندەگى ءمينيسترى اسەت يسەكەشەۆ جاڭا قىزمەت ءتۇرىن تانىستىرىپ تۇرىپ، ونىڭ ينۆەستورلارعا شارۋاسىن ء«بىر تەرەزەدە» بىتىرۋگە مۇمكىندىك بەرەتىنىن ايتتى.

«ەندى ينۆەستور مەملەكەتتىك ورگاندارعا بارماي-اق، قىزمەت كورسەتۋ ورتالىعىندا 350 قىزمەت ءتۇرىن ءبىر عانا جەردەن الاتىن بولادى. جۇمىسشىلارعا رۇقسات الۋ، بارلىق ليتسەنزيا ءتۇرى، جەر، قۇرىلىس جانە تاعى باسقا سۇراقتارمەن بۇرىن ونداعان مينيسترلىك، اكىمدىككە كىرىپ شىعۋ كەرەك ەدى»، –دەدى يسەكەشەۆ.

ول سونىمەن بىرگە، مينيسترلىككە كۇن سايىن بەستەن ونعا دەيىن ينۆەستور  حابارلاساتىنىن ايتتى. قۇجاتتار ولاردىڭ كۇردەلىلىگىنە قاراي ءبىر كۇننەن ءۇش ايعا دەيىنگى مەرزىمدە راسىمدەلەدى.