ميحايل حودوركوۆسكي جەتەكشىلىك ەتەتىن "وتكرىتايا روسسيا" قوعامدىق ۇيىمىنىڭ رەسمي سايتىندا 16 مامىردا شۆەيتساريالىق ارنايى قىزمەتتىڭ تالداۋ بايانداماسى جاريالاندى. باياندامانىڭ داتاسى 2007 جىلدىڭ ماۋسىم ايىندا دەپ قويىلعان. وندا رەسەي مەن بۇرىنعى سسرو ەلدەرىنىڭ ارنايى قىزمەت وكىلدەرىنىڭ قىلمىستىق الەممەن بايلانىسى بارى ايتىلعان.

"وتكرىتايا روسسيا" سايتىندا جارىق كورگەن باياندامانىڭ اۆتورلارى ارنايى قىزمەتتىڭ قىلمىستىق توپتارمەن بايلانىسىنا ەش كۇمان كەلتىرمەگەن. سونىمەن قوسا ولار بۇل ىنتىماقتاستىق "سيمبيوز" با، الدە "وقيعادان وقيعاعا ءوزارا قارىم-قاتىناس" بولىپ تابىلا ما دەگەن سۇراقتارعا جاۋاپ ىزدەگەن.

بايانداما اۆتورلارىنىڭ باعاسى بويىنشا، ارنايى قىزمەت پەن قىلمىسكەرلەر اليانسىنىڭ نەگىزگى جۇمىسى تابيعي رەسۋرستاردى شەتەلگە ەكسپورتتاۋ بولىپ تابىلادى ەكەن.

تابيعي رەسۋرستاردى شەتتەلدەرگە ەكسپورتتاۋ ءىسى بۇگىنگى قازاقستاندا دا قۇپيا تۇردە جالعاسىپ جاتقانىن ايتادى كەيبىر دەرەك كوزدەرى.

اباي-اقپارات