"شەكاراسىز رەپورتەرلەر" تاۋەلسىز جۋرناليستەردى قورعايتىن حالىقارالىق ۇيىمى رەسەيدىڭ ربك مەدياحولدينگىنە قاتىستى مالىمدەمە جاسادى. وندا ربك-نىڭ باس رەداكتورلارىن جۇمىستان شىعارۋ رەسەيدىڭ تاۋەلسىز جۋرناليستيكاسىنا ۇلكەن سوققى بولىپ وتىر دەلىنگەن.

13 مامىردا باسشىلىق ربك گازەتىنىڭ باس رەداكتورى ماكسيم سوليۋستى جۇمىستان شىعاردى، ونىڭ ارتىنشا حولدينگتىڭ شەف-رەداكتورى ەليزاۆەتا وسەتينسكايا مەن ربك اقپاراتتىق اگەنتتىگىنىڭ باس رەداكتورى رومان ءبادانيندى "پۋتين سارايىنىڭ قارسىسىندا“ دەگەن ماقالادان كەيىن جۇمىستارىنان شەتتەتتى.

"رەسەيدە تاۋەلسىز زەرتتەۋ جۇرگىزىپ، رەپورتاج جاسايتىن كاسىبي جۋرناليستەر قالمادى دەپ ايتۋعا بولادى. جاپپاي ەتەك العان جەمقورلىق پەن بيلىكتىڭ ارەكەتى بارىنشا قۇپيا ساقتالاتىنى بايقالادى" دەلىنگەن "شەكاراسىز رەپورتەرلار" جاساعان مالىمدەمەدە.

اباي-اقپارات