الماتى پروكۋرورى بەرىك اسىلوۆ رۇقسات ەتىلمەگەن نارازىلىق اكتسيالارىن وتكىزۋگە شاقىراتىنداردىڭ، ولارعا قاتىساتىنداردىڭ، سونىمەن قاتار الەۋمەتتىك جانە ۇلتتىق ارازدىق تۋعىزۋشىلاردىڭ اكىمشىلىك جانە قىلمىستىق جاۋاپكەرشىلىك ارقالايتىنىن ەسكەرتتى، - دەپ حابارلايدى Tengrinews.kz ءتىلشىسى.

بۇل جاۋاپكەرشىلىكتىڭ قر اقبتك 488-بابىندا ("قازاقستان رەسپۋبليكاسىنىڭ بەيبiت جينالىستاردى، ميتينگiلەردى، شەرۋلەردى، پيكەتتەر مەن دەمونستراتسيالاردى ۇيىمداستىرۋ جانە وتكiزۋ تارتiبi تۋرالى زاڭناماسىن بۇزۋ"), قىلمىستىق كودەكسىنىڭ 174-بابىندا ("الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ"), 274-بابىندا ("كورىنەۋ جالعان اقپارات تاراتۋ") جانە 400-بابىندا ("جينالىستاردى، ميتينگىلەردi, پيكەتتەردى، كوشە شەرۋلەرiن جانە دەمونستراتسيالاردى ۇيىمداستىرۋ مەن وتكiزۋ ءتارتiبiن بۇزۋ") قاراستىرىلعانى اتاپ وتىلگەن. 

ول كەيبىر تۇلعالاردىڭ قازاقستاندىق جەردى شەتەلدىكتەرگە ساتۋ تۋرالى جالعان اقپاراتتى تاراتۋمەن اينالىسىپ جاتقانىن، سولايشا ازاماتتاردى ايداپ سالىپ، ولاردى بيىل 21 مامىردا رۇقسات ەتىلمەگەن نارازىلىق اكتسيالارىنا قاتىسۋعا شاقىرىپ جاتقانىن اتاپ ءوتتى. "ايتا كەتۋ كەرەك، ەل پرەزيدەنتى قر جەر كودەكسىنە ەنگىزىلگەن ءتورت تۇزەتۋگە موراتوري جاريالادى. سونىمەن قاتار، مەملەكەت باسشىسى قر جەر كودەكسىندەگى نورمالاردى تالقىلاۋعا جانە تۇسىندىرۋگە، سونىمەن قاتار ۇسىنىستاردى قابىلداۋ ماقساتىندا جەر رەفورماسى جونىندەگى كوميسسيانى قۇرۋدى تاپسىردى. بۇگىن الماتى قالاسىنىڭ اكىمى جەر ماسەلەسى بويىنشا 21 مامىردا اكتسيالاردى وتكىزۋ تۋرالى بەرىلگەن وتىنىشتەردى قاراستىرىپ، وعان تىيىم سالدى. وسىعان بايلانىستى الماتى قالاسىنىڭ بارلىق تۇرعىنىنا جانە الەۋمەتتىك جەلى قولدانۋشىلارىنا زاڭدىلىقتىڭ بۇزىلۋىنا جول بەرىلمەيتىنىن ايتامىن", - دەدى ول.
 

اباي-اقپارات