جۇما, 29 ناۋرىز 2024
كاسىپ-ءتۇبى ءناسىپ 5847 1 پىكىر 16 مامىر, 2016 ساعات 10:33

ەندى MADE IN KZ تاڭبالى اياق كيىم توپتاماسىن كۇتەمىز

قازاقستاندىق Lenazh.com ينتەرنەت-دۇكەنى «جەتىسۋ» فابريكاسىمەن بىرلەسە وتىرىپ جاڭا جوبا – تۇتىنۋشىلاردىڭ بارلىق توبىنا ارنالعان اياق كيىم ءوندىرىسىن ىسكە قوستى. ء وندىرىس الماتى قالاسىندا ورنالاسقان. ال وعان قاجەتتى شيكىزاتتار تمد ەلدەرىنەن جانە ەۋروپادان تاسىمالدانادى.


سوناۋ 1931 جىلى نەگىزى قالانعان «جەتىسۋ» اياق كيىم فابريكاسى ءبىر كەزدەرى قازاقستانداعى اياق كيىم ءوندىرىسىنىڭ جەتەكشى كاسىپورنى بولاتىن. ۋاقىتشا توقىراۋدان كەيىن  فابريكا نەگىزىنەن تاپسىرىسپەن ءونىم شىعارۋعا كوشتى. ونىڭ ىشىندە اسكەري ونەركاسىپكە، ءتۇرلى مەكەمەلەرگە ارنالعان اياق كيىمدەر بار. ويتكەنى، جالپى تۇتىنۋشىلارعا ارنالعان اياق كيىم شىعارۋ ءۇشىن باسەكەگە قابىلەتتى بولۋ قاجەت. ال، ىرگەدەگى قىتايدىڭ ونىمدەرى تۇرعاندا، ولارمەن باسەكەلەسۋ كاسىپورىنعا قيىنعا تۇسەتىنى ايان. سوندىقتان فابريكا باسشىلارى نارىققا بەيىمدەلۋدىڭ باسقا جولدارىن ىزدەستىرۋدە.

تاياۋدا  Lenazh.com ينتەرنەت-دۇكەنى مەن «جەتىسۋ» فابريكاسى جاڭا جوبانى قولعا الدى. ء«بىز ءوندىرىستى ەر ادامدارعا ارنالعان مودەلدى اياق كيىم كوللەكتسياسىنان باستاۋدى ءجون كورىپ وتىرمىز. ءاربىر مودەل ەڭ بيىك ساپاعا لايىقتالادى. ءبىزدىڭ جاس ديزاينەرلەر زاماناۋي ءسان ۇلگىلەرىن نازارعا الا وتىرىپ، ءاربىر اياق كيىم مودەلىن ايرىقشا ەتىپ جاساۋعا بار كۇشتەرىن سالادى. ماقساتىمىز وسى.  ودان بولەك، ديزاينەرلەر ءاربىر اياق كيىم ۇلگىسىن وزدەرى تۇتىنىپ كورەدى.  بۇل ءسان ءۇشىن عانا ەمەس، تۇتىنۋشىلارعا ىڭعايلى بولۋى ءۇشىن الەم وندىرىسىندە كەڭىنەن تارالعان تاجىريبە»، – دەيدى Lenazh.com ينتەرنەت-دۇكەنىنىڭ نەگىزىن قالاۋشى جانەل بەرتاەۆا.

بۇدان بىلاي اياقكيىمدەر Made in KZ تاڭباسىمەن ساۋدا دۇكەندەرىنە شىقپاق. ء«بىزدىڭ ونىمدەردى قازاقستاندىقتار قالاي قابىلدايتىنى جانە ىنتىماقتاستاسا وتىرىپ جاساعان جۇمىستىڭ ناتيجەسىن كورۋ ءبىز ءۇشىن قىزىقتى ءارى ماڭىزدى.  ەگەر، بارلىعى جوسپار بويىنشا ورىندالىپ جاتسا، ايەلدەرگە ارنالعان ءساندى توپتامالاردى ءوندىرۋدى قولعا الامىز»، – دەيدى ديزاينەر.

قازىرگى تاڭدا، Lenazh.com ينتەرنەت-دۇكەنىندە اياق كيىمدەردىڭ ءاربىر مودەلىنەن ءبىر دانا ساتىلىمعا قويىلدى. ەگەر ءونىم سۇرانىسقا يە بولىپ جاتسا، جاڭا اياق كيىم جۇپتارىن دايىنداۋعا نە بارى بەس جۇمىس كۇنى جۇمسالادى ەكەن. 

Abai.kz

 

 

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535